Երեկ՝ հունիսի 3-ին ՆԳ նախարար Արփինե Սարգսյանը նախարարության և ոստիկանության ղեկավար կազմին էր ներկայացրել ոստիկանության նորանշանակ պետ-ՆԳ նախարարի տեղակալ Արամ Ղազարյանին։
Արփինե Սարգսյանը շնորհակալություն էր հայտնել նախկին ոստիկանապետ Արամ Հովհաննիսյանին՝ երկարամյա ծառայության ու կատարած աշխատանքի համար։ Ապա շնորհավորել է նորանշանակ ոստիկանապետին, շեշտել, որ նա նոր մարդ չէ ոստիկանության համակարգում եւ մաղթել է հաջողություններ։
Արամ Ղազարյանը շնորհակալություն է հայտնել վստահության համար, հավաստիացրել, որ շարունակելու են կյանքի կոչել ոստիկանական համակարգի հետ կապված ծրագրերը։
Մեր ուշադրությունը գրավեց այն, որ նախկին ոստիկանապետ Արամ Հովհաննիսյանը ներկա չի եղել «ընդունման- հանձնմանը»:
Մինչդեռ սովորաբար հեռացող պաշտոնյան մասնակցում է նորին ներկայացնելու պրոցեսին: Ինչը վկայում է այն մասին, որ Հովհաննիսյանը նեղված է իրեն հեռացնելու փաստից եւ որեւէ նոր պաշտոնի ակնկալիք չունի Փաշինյանից:
Բաց մի թողեք
Նոր մանրամասներ թուրքական շտապօգնության մեքենայի՝ ՀՀ-ում հայտնվելու հրապարակումներին ի պատասխան
Արգավանդի խաչմերուկում մեքենաներ են բախվել են, դրանցից մեկը գլխիվայր հայտնվել է երթևեկելի գոտում. Լուսանկար
ՀԱԿ համագումարում Լևոն Տեր-Պետրոսյանը վերընտրվել է կուսակցության նախագահ