Աշտարակի խճուղում լրագրողի հետ միջադեպի մասնակից ոստիկանը ազատվել է ծառայությունից. Լուսանկար

Ներքին գործերի նախարարության խոսնակ Նարեկ Սարգսյանը հայտնել է, որ Աշտարակի խճուղում ոստիկանության ծառայողի և լրագրողի միջև տեղի ունեցած միջադեպի մասնակից ոստիկանը ազատվել է ծառայությունից։

Ավելի վաղ հայտնել էինք, որ ակցիայի ընթացքում լրագրողի նկատմամբ բռնություն կիրառելու համար ծառայողական քննություն էր նշանակվել:

Նշենք՝ վաղ առավոտից քասախցիները փորձում էին փակել Աշտարակ-Երևան մայրուղին. բնակիչները դժգոհում են իրականացվող տրանսպորտային բարեփոխումներից:

Ակցիայի մասնակիցներին բերման ենթարկելու ժամանակ ոստիկաններից մեկը հարվածել է տեղում աշխատող լրագրող աղջիկներից մեկին: