Իրանն անցած գիշեր շարունակել է հարվածներն Իսրայելի տարածքին: Թիրախներից մեկը եղել է Պետախ Տիկվայի այն շրջաններից մեկը, որտեղ շատ հայություն կա:
Այս մասին հայտնեց Իսրայելահայերի միության նախագահ Արտյոմ Չերնամորյանը:
Նրա խոսքով, նույնիսկ ամբողջ ընտանիքի անդամներն են զոհվել։
«Վերջին տվյալներով, Իրանի հարվածի հետևանքով չորս մարզ է զոհվել, վիրավորվել ավելի քան 20 մարդ: Այս թիվը կարող է փոփոխվել»,-նշեց մեր զրուցակիցը:
Նա նաև տեղեկացրեց, որ, բարեբախտաբար, հայերի շրջանում զոհեր ու վիրավորներ չկան: Միաժամանակ, Չերնամորյանն իր տարակուսանքը հայտնեց որոշ հայերի վերաբերմունքի հետ կապված, որոնք, ըստ իրեն, ոգևորվել են Իրանի և Իսրայելի միջև բախումներից:
«Ուղղակի ապշել կարելի է, թե որոշ հայեր ինչու են ուրախացել այս առճակատումից, չէ՞ որ երկու երկրներում էլ հայեր կան, երկու երկրներն էլ կարևոր են մեզ համար»,-եզրափակեց իսրայելահայ գործիչը:
Բաց մի թողեք
Իրանի արտաքին գործերի նախարարը «հնարավորությունների պատուհան» է տեսնում ԱՄՆ-ի հետ նոր միջուկային բանակցություններից հետո
Լավ լուր Իրանից ու ԱՄՆ-ից՝ համաձայնության եկան
Եվրահանձնաժողովը մտադիր է հաստատել հակառուսական պատժամիջոցների նոր փաթեթ