Ամաչում են, որ տեքստում վրիպակներ կան, չեն ամաչում ապօրինությունների հարցերում

Դատախազությունը, Քննչական կոմիտեն չեն ամաչում, որ անհիմն, ապօրինի հետապնդումների մասին հաղորդագրություն է տարածում, բայց ամաչում են, որ տեքստում վրիպակներ կան։

Հրապարակ թերթը գրել է․ Քիչ առաջ Քննչականից հաղորդագրություն ստացանք․

«Հարգելի գործընկերներ,

«Սրբազան պայքար» անվանումով շարժման մասնակիցները և ղեկավարները
պլանավորել էին ՀՀ-ում իրականացնել ահաբեկչական և իշխանությունը զավթելուն
ուղղված գործողություններ» վերտառությամբ հաղորդագրության մեջ տեղ են գտել
տեխնիկական վրիպակներ։ Մասնավորապես՝ հակատանկային և անհամացնի բառերը,
որոնք ուղղվել են համապատասխանաբար՝ համացանցային և համացանցի։

Խնդրում ենք օգտագործել ուղղված տարբերակը, որը կցված է։

Հայցում ենք ձեր ներողամտությունը»։