ՔՊ-ի Շենգավիթի տարածքային կառավարման խորհրդի նախագահ Տիգրան Մակարյանին ծեծի ենթարկելու և նրա ազատությունը սահմանափակելու համար մեղադրվող, տնային կալանքի տակ գտնվող Շենգավիթի վարչական նախկին ղեկավար Ռազմիկ Մկրտչյանի խափանման միջոցը, «Հրապարակ»-ի տեղեկություններով, դատարանն այսօր փոխել է`կիրառելով վարչական հսկողություն, համակցված` բացակայելու արգելքով:
Տեղեկացանք, որ մեղմացվել է նաեւ գործով անցնող կնոջ` Տաթեւիկի խափանման միջոցը, կիրառվել է ավելի մեղմ միջոց։
Ի դեպ, մեզ նաեւ ասացին, որ գործն առաջիկայում դատարան կմտնի։
Նշենք, որ մեղադրանքն առաջադրելուց օրեր առաջ Ռազմիկ Մկրտչյանը պաշտոնից հրաժարական տվեց, որը զբաղեցնում էր 2018֊ից, նա մշտապես հայտնվել է սկանդալային պատմություններում։
Ամիսներ առաջ Տ.Մակարյանին իր ընկերների հետ ծեծելուց հետո նա կալանավորվեց, կարճ ժամանակ անց` ՔՊ-ականին դատարանն ազատեց բանտային կալանքից։
Բաց մի թողեք
Ծեծկռտուք՝ Արմավիրի մարզում․ 53-ամյա տղամարդուն երեք հոգով «BMW» մակնիշի ավտոմեքենայով տեղափոխել են այլ վայր, ապա երեխաների ներկայությամբ ծեծի են ենթարկել
Կրակոցներ՝ Արարատի մարզում․ Վեդիում 26-ամյա տղամարդը տանը` իրեն պատկանող ատրճանակով, մի քանի կրակոց է արձակել
Սեւանի սկանդալային սպանության գործով Նորատուսցի Արայի որդին արդարացվեց ամենածանր հոդվածներով