Ավստրիայի ԱԳ նախարար Բեաթե Մայնլ-Ռայզինգերը հայտարարել է, որ իր երկիրը կարող է հրաժարվել չեզոքությունից եւ անդամակցել ՆԱՏՕ-ին՝ Ռուսաստանի պատճառով։
Այս մասին նա ասել է Die Welt-ի հետ զրույցում։
Ավստրիական պետության արտաքին քաղաքական գերատեսչության ղեկավարը ասել է, որ չեզոք կարգավիճակը չի պաշտպանում Ավստրիան։
«Գլոբալ անվտանգային իրավիճակի հարցում անորոշության խտացման պայմաններում, ինչպես նաեւ հաշվի առնելով Ռուսաստանի ագրեսիվ քաղաքականությունը, Ավստրիային կարող են պաշտպանել մեր պաշտպանական հնարավորություններում արված ներդրումները, ինչպես նաեւ գործընկերային հարաբերությունները»,- ասել է նա։
Միաժամանակ, Մայնլ-Ռայզինգերը արձանագրել է, որ ներկայումս Ավստրիայի պառլամենտի մեծամասնությունը կողմ չէ այն բանին, որ Ավստրիան հրաժարվի իր չեզոք կարգավիճակից։
Բաց մի թողեք
15 միլիարդ դոլարի դատական հայց. Թրամփն ընդդեմ The New York Times-ի
Ռուսաստանում ձերբակալվել է հայազգի բիզնեսմեն. ինչն է պատճառը. Լուսանկար
«Թրամփը բավականաչափ ուժ ունի՝ Պուտինին ստիպելու վախենալ իրենից». Զելենսկու ակնկալիքները ԱՄՆ նախագահից