ԱՄՆ փոխնախագահ Ջեյ Դի Վենսը հայտարարել է, որ ամերիկյան վարչակազմի կարծիքով Ուկրաինական ճգնաժամի կարգավորման համար երկու հիմնական խոչընդոտներ կան, որոնք դեռ չի հաջողվում հաղթահարել։ Մեկը կապված է տարածքային հարցերի հետ, մյուսը՝ անվտանգային երաշխիքների։
Այս մասին հայտնում է NBC News-ը։
«Հիմնական տարաձայնությունները կապված են անվտանգության երաշխիքների եւ այն բանի հետ, թե որտեղով է անցնում ճակատային գիծն Ուկրաինայում»,- ասել է նա։ Վենսը նաեւ ասել է, որ ամերիկյան կողմը երկու չափազանց կարեւոր հարց է սահմանել՝ մեկը ուկրաինացիների համար, մյուսը՝ ռուսների։
Նա նկատել է, որ եթե հաջողվի հակամարտության հարցում համաձայնության գալ, ապա խնդիրները հենց այդտեղից էլ հնարավոր կլինի կարգավորել։ ԱՄՆ փոխնախագահը հույս է հայտնել, որ Ուկրաինական ճգնաժամը հնարավոր կլինի կես տարվա ընթացքում կարգավորել։
Նա այդ հարցում կարեւորել է նախագահ Դոնալդ Թրամփի դերակատարությունը, ով արյունահեղությունը դադարեցնելու համար անխոնջ կերպով եռանդուն ջանքեր է գործադրում։ Նա նաեւ ասել է, որ հակամարտությունը դժվար կարգավորելի է եւ բոլորն էլ հասկանում են, որ այն հնարավոր չէ դադարեցնել մեկ ժամվա ընթացքում։
Բաց մի թողեք
Իսրայելի վարչապետը հայտարարել է, որ ճանաչում է Հայոց ցեղասպանությունը
Թրամփը բացատրել է, թե ինչու չի շտապում պատժամիջոցներ կիրառել Ռուսաստանի դեմ
Ավստրալիան խզում է հարաբերությունները Իրանի հետ, իսկ դեսպանին կարտաքսեն․ Լուսանկար