Ցանկություն է հայտնել մասնակցելու ամերիկյան «Լուսնային առաքելությանը»

Ամերիկյան SpaceX ընկերությունը ցանկություն է հայտնել մասնակցելու ամերիկյան «Լուսնային առաքելությանը»։

Հայտնի գործարար եւ միլիարդատեր Իլոն Մասկին պատկանող ընկերությունը հանուն դրա նույնիսկ որոշել է հետաձգել Մարս մոլորակ տիեզերական առաքելություն ուղարկելու իր ծրագիրը։

Լուսնային ծրագրին SpaceX-ը կմասնակցի NASA-ի հետ համագործակցաբար։ Այս մասին հայտնում է The Wall Street Journal պարբերականը։ Այս փոփոխության մասին, համաձայն հաղորդման, ընկերությունն արդեն իսկ տեղեկացրել է իր բաժնետերերին ու ներդրողներին։

Սպասվում է, որ ամերիկյան կողմը դեպի Լուսին՝ առանց տիեզերագնացի թռիչք կիրականացնի արդեն 2027 թվականին։