Ռուսաստանի փոխվարչապետ Ալեքսեյ Օվերչուկը հայտարարել է, որ Հայաստանը ռուսականից բացի այլ գազ «երբեք» չի ունենա, և որ շուկայական գներին անցումը կարող է բարդացնել մատակարարման իրավիճակը։
«Մենք շատ լավ ծանոթ ենք գազի շուկայում ստեղծված իրավիճակին։ Ռուսականից բացի այլ գազ երբեք չի լինի։ Միակ հարցն այն է, թե որտեղից է Հայաստանը ստանալու ռուսական գազ և որ միջնորդին է վճարելու», – ասել է Օվերչուկը։
Նրա խոսքով, եթե Հայաստանը հրաժարվի ռուսական գազից, իրավիճակը «շատ դժվար կլինի», ինչը Մոսկվան չի ցանկանում։ Ռուսաստանի փոխվարչապետը նշել է, որ Եվրոպան դեռևս ստանում է ռուսական գազ. «Այսպիսով, նրանք պարզապես պետք է նայեն քարտեզին։ Նայել նրան, թե ինչ խողովակաշարեր են դեռևս գործում այնտեղ, և անմիջապես կտեսնեն, թե ումից են ստանալու ռուսական գազ։ Դե, իհարկե, հաշվի առնելով 30% արտահանման մաքսատուրքը, հաշվի առնելով, որ սա կլինի շուկայական գինը, և հաշվի առնելով, որ միջնորդները նույնպես կցանկանան ստանալ իրենց բաժին շահույթը»։
Բաց մի թողեք
Մեզ համար Եվրասիական տնտեսական միության հետ կապերի խզման հարց չկա․ Մհեր Գրիգորյան
Ռուսական շուկայի կորստի դեպքում Հայաստանը կզրկվի ելակի գրեթե ամբողջ արտահանումից
Հյութ, թե՞ ամբողջական միրգ. պե՞տք է առավոտյան մեկ բաժակը հաշվի առնվի ձեր օրական 5 բաժակի մեջ