Բիշքեկի գագաթնաժողովից հետո Շանհայի համագործակցության կազմակերպության առաջնորդները ստորագրել են 28 փաստաթուղթ։
Դրանց թվում է նաև կազմակերպության 25-ամյակին նվիրված Բիշքեկի հռչակագիրը։
ՇՀԿ-ն այսօր ամենամեծ տարածաշրջանային միավորումն է, որտեղ ապրում է աշխարհի բնակչության կեսը, ասել է Ռուսաստանի նախագահ Վլադիմիր Պուտինը։
«ՇՀԿ-ն այսօր, ըստ էության, ամենամեծ տարածաշրջանային միավորումն է ոչ միայն մեր ընդհանուր Եվրասիական մայրցամաքում, այլև ամբողջ աշխարհում», – ասել է Պուտինը՝ ելույթ ունենալով Շանհայի համագործակցության կազմակերպության պետությունների ղեկավարների խորհրդում։
– Ռուսաստանի առևտրաշրջանառությունը ՇՀԿ երկրների հետ անցյալ տարի գերազանցել է 400 միլիարդ դոլարը։
– Կազմակերպությունը 25 տարվա ընթացքում մեծ ճանապարհ է անցել՝ դառնալով բազմաբևեռ աշխարհի ազդեցիկ կենտրոն։
– Ռուսաստանը աջակցում է ՇՀԿ-ի արդյունավետության բարձրացման ջանքերին։
– ՇՀԿ երկրների միջև առևտրի ամրապնդումը կազմակերպության հիմնական նպատակներից մեկն է։
– ՇՀԿ երկրները առևտրում ավելի ու ավելի են օգտագործում ազգային արժույթները. նրանց բաժինը Ռուսաստանի գործընկերների հետ հաշվարկներում այժմ գերազանցում է 98%-ը։
Բաց մի թողեք
Նորվեգիայի Հոկոն 8-րդ թագավորը երդում է տվել խորհրդարանում. Լուսանկար
Ինչո՞ւ Պուտինը չեղարկեց հանդիպումը
ԵՄ 11 երկրներ կոչ են անում վերացնել վետոն արտաքին քաղաքականության մեջ