ՀՀ պաշտպանության նախարարի առաջին տեղակալ, Զինված ուժերի գլխավոր շտաբի պետ, գեներալ-լեյտենանտ Էդվարդ Ասրյանն ընդունել է Հնդկաստանի Հանրապետության Պաշտպանական ազգային քոլեջի պատվիրակությանը, որը գլխավորել է քոլեջի հրամանատար Մանիշ Կումար Գուպտան։
Հանդիպման ընթացքում քննարկվել են Հայաստանի պաշտպանական ոլորտում իրականացվող փոփոխությունները և Զինված ուժերի զարգացմանն ուղղված գործընթացները։ ԳՇ պետը ներկայացրել է Հայաստանում ընթացող պաշտպանական բարեփոխումների հիմնական ուղղությունները՝ անդրադառնալով նաև դրանց շրջանակում իրականացվող Զինված ուժերի կերպափոխման գործընթացին։
Հանդիպումը հնարավորություն է տվել հնդկական կողմի ներկայացուցիչներին ծանոթանալու Հայաստանի պաշտպանական համակարգում իրականացվող փոփոխությունների նպատակներին և ընթացքին։
Քննարկման ավարտին Էդվարդ Ասրյանը պատասխանել է պատվիրակության անդամների հարցերին՝ ներկայացնելով համապատասխան պարզաբանումներ բարձրացված թեմաների վերաբերյալ։
Բաց մի թողեք
Գործարկվել է «Թրամփի ուղի՝ հանուն միջազգային խաղաղության և բարգավաճման» ծրագրի պաշտոնական ֆեյսբուքյան էջը
Ինչ են քննարկել Բիշքեկում ՀՀ վարչապետն ու Ադրբեջանի նախագահը. մանրամասներ. Լուսանկարներ
Պատժից պայմանական վաղաժամկետ ազատվել է 117 դատապարտյալ․ Գալյան