Մեզ զրկեցին ընտրելու իրավունքից, անցկացվեցին ռուսական ընտրություններ. խլել են ընտրությունների ինստիտուտը, այս մասին ճեպազրույցում հայտարարել է Վրաստանի նախագահ Սալոմե Զուրաբիշվիլին։
Ըստ նախագահի` այս ընտրություններից հետո շատ դժվար է պատկերացնել, թե ինչպիսին կարող են լինել երկրում նոր ընտրությունները, եթե ոչինչ չի փոխվել։
Նա ընդգծել է` չի ընդնում ընտրությունների արդյունքները. դրանք ընդունելն անթույլատրելի է։
«Մեր քաղաքացիները զրկվել են ընտրելու իրենց սահմանադրական իրավունքից, մեր արտագաղթյալները զրկվել են ընտրություններին մասնակցելու իրավունքից՝ տեղամասեր չբացելով, և ոչ միայն դա։
Այնքան բան կա պարզելու։ Ես շատ շնորհակալ եմ մեր արտասահմանյան գործընկերներին՝ դիտորդներին, որոնք գրի են առել տեղի ունեցած խախտումները», — ասել է Զուրաբիշվին։
Դիմելով ժողովրդին` նախագահն ասել է, որ նրանք հաղթել են և ոչ ոք իրավունք չունի ժողովրդից խլել այս եվրոպական ընտրությունները։
Ըստ Զուրաբիշվիլիի` ընտրական կեղծարարությունը սպիտակեցնելու համար օգտագործվել է տեխնոլոգիա:
«Մենք իրականում զոհ գնացինք ռուսական հատուկ գործողության՝ հիբրիդային պատերազմի նոր ձևերից մեկի, որն իրականացվեց մեր ժողովրդի, մեր երկրի վրա», — ընդգծել է նախագահը։
Բաց մի թողեք
Ավտովթար՝ Երևանում․ կա տուժած. Լուսանկար
Վաշինգտոնը հավատարիմ է մնում Կիևին աջակցելու իր ռազմավարությանը՝ չնայած Ռուսաստանի հնարավոր գործողություններին. Սպիտակ տուն
Այս պահից սկսած պատերազմը Ուկրաինայում ձեռք է բերում գլոբալ բնույթ. Պուտին