Իրանի նախագահ Մասուդ Փեզեշքիանը հայտարարել է, որ Իրանի համար նշանակություն չունի, թե ով է հաղթել ԱՄՆ նախագահական ընտրություններում, գրում է Mehr-ը։
Իրանցիներն ապավինում են իրենց ներքին ուժերին, ասել է նա՝ գովաբանելով իր ազգին պատվավոր ճանապարհն ընտրելու համար։ Երկրի նախագահի խոսքով՝ Իրանը սահմանափակ տեսլական չունի այլ երկրների հետ իր հարաբերությունների զարգացման համար։
Նա նաև ընդգծել է, որ իսլամական և հարևան երկրների հետ կապերի ընդլայնումը Իրանի առաջնահերթություններից է։ Իրանի նախագահը նաև կոչ է արել միասնության և իսլամական երկրների ինտեգրմանը։
Փեզեշքիանն ընդգծել է, որ «եթե բոլոր երկրները լինեին եղբայրներ և միասնական, ապա Սիոնիստական ռեժիմը չէր համարձակվի հանցագործություններ կատարել ճնշված պաղեստինցի և լիբանանցի ժողովուրդների դեմ»։
Բաց մի թողեք
Վրաստանը պատրաստ կլինի անդամակցել ԵՄ-ին մինչև 2030 թվականը
ԵՄ-ում ձերբակալվել է նախկին բարձրաստիճան պաշտոնյա
«Ուկրաինացի երեխաներն Անթալիայում դժոխք են վերապրել». թուրքերը բռնաբարել են, հղիացրել ․․․