«Հայաստանում մարտի 1-ից հակաբիոտիկների նշանակումը իրականացվում է էլեկտրոնային դեղատոմսով: Համաձայն նոր կարգի՝ դեղատները պետք է համապատասխան դեղորայքը տրամադրեն միայն էլեկտրոնային դեղատոմսի առկայության պայմաններում, ինչը լրջագույնս դժգոհությունների տեղիք է տվել, հաշվի առնելով, որ այդ ցանկը եկող տարվանից էլ ավելի է ընդլայնվելու:
«Իրավունք» թերթը գրում է. ՀՀ առողջապահության նախարարության Դեղորայքային քաղաքականության եւ բժշկական տեխնոլոգիաների վարչության պետ ՄԱՐԻՆԵ ՀԱՐՈՒԹՅՈՒՆՅԱՆԻՑ փորձել ենք հետաքրքրվել, թե կա՞ն դեղեր, որոնք առհասարակ եւ որեւէ փոփոխության պարագայում չեն ներառվի էլեկտրոնային դեղատոմսերի մեջ, վերջինս այսպես պատասխանեց.
«Ուզում եմ նորից նշել, որ այս փոփոխությունը վերաբերում է համակարգային ազդեցության հակաբիոտիկներին: Այսինքն՝ քսուքներ, ակնակաթիլներ, դրանք չեն մտնում, չեն կարգավորվում այս օրենսդրության շրջանակներում: Այո, կլինեն դեղեր, որոնք անկախ փոփոխություններից, չեն մտնի էլեկտրոնային դեղատոմսերով դուրս գրվող դեղերի մեջ:
Դրանց թվում կլինեն ցավազրկող, ջերմություն իջեցնող, ինչպես նաեւ բոլոր այն հակավիրուսային դեղերը, որոնք դեղատոմս չեն պահանջում»:
Բաց մի թողեք
ՔՊ-ում անհանգիստ են, մանրամասներ փակ նիստից
Հարցեր իսկապես շատ կան, բայց դրանց հասցեատերն առաջին հերթին օրվա իշխանությունն է
Դեսպաններից ոմանք քծնել են Փաշինյանին