ՀՀ-ում Ֆրանսիայի դեսպան Օլիվյե Դըկոտինյին «X»-ի իր միկրոբլոգում գրել է, որ Հայաստանում Եվրոպական միության դիտորդական առաքելությունը հերթական անգամ հավատարիմ է իր մանդատին։
«Տեղում՝ ռազմական շփման գծին հնարավորինս մոտ, առաքելությունը ցրում է ասեկոսեներն ու կեղծ լուրերը և անաչառ տեղեկատվություն տրամադրում միջազգային հանրությանը»,- գրել է նա՝ կիսվելով առաքելության՝ ապրիլի 1-ին սահմանային դիտարկումների հրապարակմամբ։
Ավելի վաղ Հայաստանի պաշտպանական գերատեսչությունից հերքել էին Ադրբեջանի տարածած այն ապատեղեկատվությունը, թե իբր հայկական զինված ուժերը սահմանի տարբեր ուղղություններով իրականացնում են անձնակազմի, զրահատեխնիկայի, հրետանու և այլ կրակային զինատեսակների կուտակումներ և ակտիվ տեղաշարժեր։ Ըստ պաշտպանության նախարարության՝ ուսումնական ավտոերթը ներկայացվել է որպես զորաշարժ:
Հայաստանում ԵՄ առաքելության դիտորդները ևս հայտարարել էին, որ ռազմական որևէ արտառոց տեղաշարժ չեն նկատել։
Բաց մի թողեք
ԵՄ-ն սկսել է Ռուսաստանի դեմ պատժամիջոցների 20-րդ փաթեթի պատրաստումը
Քաղաքական դաշինք` դե-ֆակտո ձևավորվել է ԱՄՆ-ի, Իսրայելի և Ղազախստանի միջև
Ստեփանակերտի «ձկան լռությունը» երբ «պայթի», կամ՝ կպայթի արդյոք երբևէ