Իշխանությունները արդեն լրջորեն պատրաստվում են 2026 թվականի խորհրդարանական ընտրություններին:
Իշխանություններին մոտ կանգնած մեր աղբյուրները փոխանցում են, որ Նիկոլ Փաշինյանը հորդորել է բոլոր գերատեսչություններին դիմում-նամակ գրել ու կոնկրետ ծրագիր ներկայացնել, որը կարող է ներառվել ՔՊ-ի՝ 2026 թվականի նախընտրական ծրագրում:
ArmLur.am-ի աղբյուրները փոխանցում են, որ «համակարգումն» իրականացնում է ՀՀ վարչապետի աշխատակազմի ղեկավար Արայիկ Հարությունյանը, որը Կառավարության մեր աղբյուրների փոխանցմամբ, համակարգելու է ողջ գործընթացը ու ներկայացնի ծրագրերը Փաշինյանին: Հիմա բոլոր գերատեսչություններում ծրագիր-պլան են գրում՝ գեղեցիկ, ականջահաճո, որպեսզի ՔՊ-ն հանրությանը ներկայացնի, թե տարբեր ոլորտներում ինչ «ծաղկունք» է սպասվում:
Նշենք, որ ուրբաթ օրը ՔՊ-ն հին ու նոր կազմով վարչության նիստ էր անցկացրել, որտեղ էլ փակ ընտրություն էր կատարվել:
Վարչապետի աշխատակազմի ղեկավար Արայիկ Հարությունյանն ընտրվել է իշխող «Քաղաքացիական պայմանագիր» կուսակցության՝ 2026 թվականի նախընտրական շտաբի պետ:
ՔՊ պատգամավոր Վահագն Ալեքսանյանն ընտրվել էր շտաբի պետի տեղակալ քարոզչության գծով»։
Բաց մի թողեք
Ինչ է հայտարարագրել մարդկանց իր հետ ֆեյք պատարագի տարած եւ վարքագծի կանոնների կոպիտ խախտում թույլ տված համայնքապետ Սափեյանը
Այսօր մեկնարկում են 2026 թվականի բյուջետային լսումները. ովքեր կներկայանան ԱԺ
Ովքեր էին ներկա Հովհաննավանքի շինծու պատարագին․ Տեսանյութ