Քիչ առաջ Լևոն Քոչարյանի «ախռանիկը» Ազգային ժողովի շենքի տարածքում հարվածել է Civic.am-ի լրագրողին, հայտնում է լրատվամիջոցը:
«Նա մոտեցել է մեր լրագրողին, մեղադրել «սրբապղծության մեջ», ինչից հետո հարվածել է լրագրող Դավիթ Լևոնյանին։
Նշենք, որ լրագրողը օրերս իր անձնական յութուբյան ալիքի եթերով Տավուշի թեմի առաջնորդ Բագրատ Սրբազանին մեղադրել էր ռուսական շահերը սպասարկելու համար։
Civic.am-ը հետամուտ է լինելու, որպեսզի իրավապահ մարմինները համապատասխան իրավական գնահատական տան այս լկտի արարքին»,- գրել է աղբյուրը՝ նշելով, որ ծեծի ենթարկողը Արթուր Սուքոյանն է, ով մշտապես ուղեկցում է Լևոն Քոչարյանին, բայց հանդես է գալիս որպես վերջինիս «օգնական»։
Երեկ Ազատության հրապարակում ՀՅԴ-ի և «Վերածնվող Հայաստանի» հետ Ռոբերտ Քոչարյանի գլխավորած «Հայաստան» դաշինքի հանրահավաքի ընթացքում խոչընդոտել են Civic.am-ի նկարահանող խմբի աշխատանքը։
Այն պահին, երբ մեր նկարահանող խումբը հարցազրույցներ է վերցրել հավաքի մասնակիցներից, թերևս, տեսնելով, որ խումբը իրենց պատկանող լրատվամիջոցից չի և կարող է բացահայտել՝ որ ընկերությունների աշխատակիցներին են բերել հանրահավաքի, Քոչարյանի կողմնակիցները մոտեցել են լրագրողին և օպերատորին, սպառնացել են բռնություն գործադրել, քաշքշել, խոչընդոտել են նկարահանումները՝ հրելով ստիպել են հեռանալ Ազատության հրապարակից։
Դեպքը կրկնվել է 2 անգամ՝ նույն մարդկանց մասնակցությամբ։
Դեպքին միջամտել են հրապարակում ներկա ոստիկանները։ Վերջիններս ընդամենը ժամանակավոր հեռացրել են ագրեսիվ տրամադրված ցուցարարներին՝ առանց արձանագրություն կազմելու։
ԱԺ շենքի գլխավոր հատվածում civic.am-ի լրագրողը հարցազրույց վերցնելիս է եղել մեր խմբակցության պատգամավորից՝ իր լրագրողական գործունեությունն իրականացնելիս իրեն է մոտեցել Լևոն Քոչարյանի՝ ըստ էության թիկնապահը, բայց որը գրանցված է, որքանով տեղյակ եմ, օգնականի հաստիքի վրա, և լրագրողի գործունեության վերաբերյալ մեկնաբանություն է արել, սեռական բնույթի հայհոյանքներ է հնչեցրել լրագրողի հասցեին, հետո հարվածել նրա դեմքին: Այս մասին լրագրողների հետ զրույցում ասաց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը՝ անդրադառնալով այսօր Ազգային ժողովում տեղի ունեցած միջադեպին:
«Լևոն Քոչարյանը հանկարծ թող չխառնի Ազգային ժողովը «Պապլավոկի» հետ, թող իրենց հաշիվ տան, ու էլի փախնել գնալ կիլոմետրերով հեռու, անբարոյական հայտարարություններ անել և փախած ման գալը որևէ կապ չունի քաղաքական գործունեության, էլ չեմ ասում՝ տղամարդկության հետ առհասարակ»,- ասաց Արթուր Հովհաննիսյանը և հավելեց, որ ուժեղ տղերքը փախած ման չեն գալիս:
ՔՊ խմբակցության քարտուղարը կրկնեց. «Քոչարյանների ընտանիքը հանկարծ թող չխառնի Ազգային ժողովը «Պապլավոկի» հետ, թե չէ մեր վերաբերմունքը շատ խիստ է լինելու՝ և իրավական, և քաղաքական մակարդակով, եթե փորձեն շարունակել այս պահվածքը»:
Արթուր Հովհաննիսյանն ընդգծեց, որ այս միջադեպը իրավական գնահատականի է արժանանալու:
Ինչ վերաբերում է լրագրողի մասնագիտական գործունեությանը, Արթուր Հովհաննիսյանն ընդգծեց. «Լրագրողը ազատ գործունեություն է իրականացնում, ՀՀ քաղաքացի է, որտեղ կա խոսքի ազատություն, սա ժողովրդավար հանրապետություն է և Ռոբերտ Քոչարյանի ժամանակների հանրապետությունը չէ. հանկարծ թող չխառնեն այստեղ ոչ մեկը ոչ մի բան: Եվ եթե որևէ մեկը մտածում է, որ կարող է մարդու ազատ խոսքը փորձել կանգնեցնել բռունցքներով, ապա դրա պատասխանը տասն անգամ ավելի խիստ է լինելու»:
Բաց մի թողեք
ՔՊ-ում անհանգիստ են, մանրամասներ փակ նիստից
Հարցեր իսկապես շատ կան, բայց դրանց հասցեատերն առաջին հերթին օրվա իշխանությունն է
Դեսպաններից ոմանք քծնել են Փաշինյանին