Մարտի 1-ին, ժամը 20:52-ին Ճգնաժամային կառավարման ազգային կենտրոն ահազանգ է ստացվել, որ Երևանի Մյասնիկյան պողոտայում տեղի է ունեցել ՃՏՊ․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Մյասնիկյան պողոտայի թիվ 1 հասցեի մոտակայքում բախվել են «Toyota» (վարորդ՝ Յ․ Ե․, ծնված 2005 թ․), «Nissan» (վարորդ՝ Ա․ Մ․) և «Ford» (վարորդ՝ Հ․ Լ․) մակնիշների ավտոմեքենաները․ «Toyota» մակնիշի ավտոմեքենան կողաշրջվել է, առկա է վառելիքաքսուքային նյութի արտահոսք։
«Ford» մակնիշի ավտոմեքենայի վարորդին շտապօգնության աշխատակիցները տեղում ցուցաբերել են համապատասխան բուժօգնություն։
Փրկարարներն ուղղել են «Toyota» մակնիշի ավտոմեքենան, հոսանքազրկել և փակել գազի բալոնի փականը, կատարել ճանապարհի լվացման աշխատանքներ։
Բաց մի թողեք
Արտենիում քաղաքացին փորձել է ինքնասպան լինել՝ նետվելով բնակարանի պատշգամբից
Կոշ գյուղի նախկին ամբուլատորիայի շենքում հրդեհ է բռնկվել. Լուսանկար
Երևանի մետրոպոլիտենն աշխատակիցներ է փնտրում. ովքեր և ինչպես կարող են դիմել