Արգենտինայի ֆուտբոլի ասոցիացիան իր պաշտոնական կայքում հրապարակել է ազգային հավաքականի ընդլայնված կազմը՝ նախապատրաստվելով 2026 թվականի աշխարհի առաջնությանը։
26 ֆուտբոլիստից բաղկացած հայտացուցակում ընդգրկվել է նաև Լիոնել Մեսսին, որը ներկայում հանդես է գալիս Ինտեր Մայամիում։ Նրա համար այս մրցաշարը կարող է դառնալ կարիերայի վեցերորդ աշխարհի առաջնությունը, ինչը բացառիկ ցուցանիշ է ֆուտբոլի պատմության մեջ։
Կազմում ներառված են դարպասապահներ Էմիլիանո Մարտինեսը, Խերոնիմո Ռուլին և Խուան Մուսոն։ Պաշտպանության գծում տեղ են գտել Նաուել Մոլինան, Նիկոլաս Օտամենդին, Կրիստիան Ռոմերոն, Նիկոլաս Տալյաֆիկոն, Լիսանդրո Մարտինեսը, Գոնսալո Մոնտիելը, Ֆակունդո Մեդինան և Լեոնարդո Բալերդին։
Կիսապաշտպանների թվում են Վալենտին Բարկոն, Ջովանի Լո Չելսոն, Լեանդրո Պարեդեսը, Ռոդրիգո Դե Պաուլը, Էնցո Ֆերնանդեսը, Ալեքսիս Մակ Ալիստերը և Էքսեկիել Պալասիոսը։
Հարձակման գծում ընդգրկված են Նիկո Պասը, Խոսե Մանուել Լոպեսը, Լաուտարո Մարտինեսը, Ջուլիանո Սիմեոնեն, Նիկոլաս Գոնսալեսը, Տիագո Ալմադան և Խուլիան Ալվարեսը։
Բաց մի թողեք
Մեղրիում կանցկացվի աննախադեպ «ՏԱՐԱԶֆեստ»
Եղիշե Մելիքյանը՝ Մխիթարյանի մասին. Լուսանկար
«Կյանքը շատ էր սիրում, այնքան պլաններ ուներ Մխոս». կամավոր Մխիթար Կուջոյանն անմահացել է հոկտեմբերի 29-ին Ներքին Հոռաթաղում. Լուսանկարներ