Այս մասին ֆեյսբուքյան իր էջում գրել է Հրայր Թամրազյանը։
Ըստ Financial Times-ի, նախագահ Դոնալդ Թրամփը հուլիսի 4-ին՝ Պուտինի հետ հեռախոսազրույցից մեկ օր անց, զանգահարել է Ուկրաինայի նախագահ Վլադիմիր Զելենսկուն և հարցրել՝ «Կարո՞ղ եք հարվածել Մոսկվային։ Իսկ Սանկտ Պետերբուրգին․․․»։
Զելենսկին, ըստ պարբերականի աղբյուրների, պատասխանել է. «Իհարկե կարող ենք, եթե զենք տրամադրեք»։
Թրամփը խոսել է նաև ԱՄՆ-ի կողմից Ուկրաինային ATACMS և Tomahawk տեսակի հեռահար հրթիռներ տրամադրելու հնարավորության մասին՝ երրորդ կողմերի միջոցով, շրջանցելով Կոնգրեսի ուղիղ հաստատումը։
Հուլիսի 15-ին, երբ այս թեման հրապարակավ քննարկվեց, Թրամփը հերքեց, թե աջակցում է նման գործողություններին։
«Ո՛չ, նա չպետք է թիրախավորի Մոսկվան», ասել է Թրամփը լրագրողներին։
Թրամփի այս հեռախոսազանգը նշան է քաղաքական կուրսի փոփոխության․ խաղաղության միջնորդությունից դեպի հնարավոր ուժային ճնշում։
Նրա նպատակը կարող է լինել՝ սրել իրավիճակը, որպեսզի հասնի դեէսկալացիայի՝ ստիպելով Մոսկվային վերադառնալ բանակցային սեղան։
Եթե ԱՄՆ-ն Ուկրաինային փոխանցի ATACMS կամ Tomahawk տեսակի հրթիռներ, սա կարող է արմատապես փոխել իրավիճակը և բարձրացնել միջուկային լարվածության ռիսկերը։
Եզրակացություն՝ Թրամփը մասնավոր զրույցում Զելենսկուն հորդորել է մտածել Ռուսաստանի խորքերին հարվածելու հնարավորության մասին՝ հրապարակավ հայտարարելով, թե նման թիրախավորումնեը անընդունելի են։
Պաշտոնական Վաշինգտոնը դեռ չի մեկնաբանել այս տեղեկությունը։
Բաց մի թողեք
Կարճ ներկայացման մոխրագույն գիծը․ Ինչո՞ւ Չաուշեսկուն ընկավ․ Այսօր նրա ու կնոջ մահապատժի օրն է. բացառիկ․ Լուսանկարներ
Ֆրանսիան հակադարձում է ԱՄՆ-ին «հարկադրանքի» համար
Խորամանկությո՞ւն. Վետոները հաղթահարելու մեթոդը Եվրոպական միության ընդլայնումն է