Իրավապահներն այս պահին ներխուժել են Շիրակի մարզի թեմի առաջնորդարան

Այս պահին Շիրակի մարզի թեմի առաջնորդարանում  լարված վիճակ է, ոստիկանները մտել են առաջնորդարան, մի քանի ժամ է` փակել են առաջնորդարանի դռները։

Մեր տեղեկություններով՝ Միքայել Սրբազանն այնտեղ չէ։

Հիշեցնենք՝ երեկ գլխավոր դատախազությունից հայտնել են, որ վարույթ է նախաձեռնվել Միքայել արքեպիսկոպոս Աջապահյանի նկատմամբ` 2025 թվականի հունիսի 17-ին, ՀՀ քրեական օրենսգրքի 422-րդ հոդվածի 2-րդ մասով՝ ԶԼՄ-ներով իբրև իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչեր անելու հատկանիշներով։

Առավոտյան մոտ 30 դիմակավորված անձինք ներխուժել են Շիրակի թեմի առաջնորդարան: Հայտնում է փաստաբան Միհրան Պողոսյանը։

Այս պահի դրությամբ այլ մանրամասներ չեն հաղորդվում։