ՀՀ վարչապետ Նիկոլ Փաշինյանը սոցցանցերի իր էջերում տեսանյութ է հրապարակել՝ հայտնելով, որ հունվարի 6-ին՝ ժամը 13:30-ին, բոլորին հրավիրում է ուխտերթի:
«Այն կմեկնարկի Երևանի Սուրբ Գրիգոր Լուսավորիչ մայր եկեղեցու բակից և կշարունակվի մինչև Սուրբ Կաթողիկե եկեղեցի: Ինչ նպատակ ունի ուխտերթը։
Այդպիսով նշանավորել մեր Տեր և փրկիչ Հիսուս Քրիստոսի ծնունդը:
Արձանագրել մեր հավատարմությունը Հայաստանյայց առաքելական սուրբ եկեղեցու ավանդությանը:
Արտահայտել աջակցություն Հայաստանյայց առաքելական սուրբ եկեղեցու բարենորոգմանը:
Արտահայտել աջակցություն մեր պետականությանը և դիրքորոշում առ այն, որ Հայաստանյայց առաքելական սուրբ եկեղեցու փաստացի պետի և նրա մերձավոր շրջապատի կողմից Հայ առաքելական սուրբ եկեղեցին որպես հիբրիդային պատերազմի գործիք կիրառելը անընդունելի է, և մենք նման գործելակերպի շարունակություն թույլ չենք տալու:
Երթը լինելու է բացառապես խաղաղ և քրիստոնեական ոգուն հավատարիմ»,- նշել է վարչապետն ու հայտնել, որ երթը կավարտվի Սայաթ-Նովա-Աբովյան փողոցների խաչմերուկում, և այնտեղ շատ կարճ հավաք տեղի կունենա:
Բացի այդ՝ վարչապետը ժամը 10:30-ից Սուրբ Գրիգոր Լուսավորիչ եկեղեցում կմասնակցի Սուրբ Ծննդի տոնի կապակցությամբ մատուցվող պատարագին:
Բաց մի թողեք
Ինչպես են տարբեր մարզերից մեքենաներով ուղտերթին բերված «հավատացյալները» նույն մեքենաներով հեռանում. Լուսանկարներ
Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՊԱՏԳԱՄԸ ՄԵՐ ՏԵՐ ՀԻՍՈՒՍ ՔՐԻՍՏՈՍԻ ՍՈՒՐԲ ԾՆՆԴՅԱՆ ԵՎ ԱՍՏՎԱԾԱՀԱՅՏՆՈՒԹՅԱՆ ՏՈՆԻ ԱՌԻԹՈՎ
Թալինի համայնքապետը փակել է եկեղեցու դռները, թույլ չի տվել պատարագ լինի․ Տեսանյութ, Լուսանկար