Քրեակատարողական ծառայողների ներգրավմամբ թմրամիջոցների և արգելված իրերի ապօրինի շրջանառության դեմ պայքարի շրջանակներում ՀՀ ԱՆ քրեակատարողական ծառայության կենտրոնական մարմնի օպերատիվ վարչության «Արմավիր» տարածքային բաժնի ծառայողները, իրացնելով ստացված օպերատիվ տեղեկությունները, փետրվարի 25-ին՝ ժամը 09։30-ի սահմաններում, «Արմավիր» ՔԿՀ-ի բնակելի գոտում խուզարկության են ենթարկել նույն հիմնարկի անվտանգության ապահովման բաժնի ծառայող Գ․Գ․-ին։
Այս մասին տեղեկացնում են ՔԿԾ-ից:
«Արդյունքում՝ վերջինիս հագի կոշիկների միջից հայտնաբերվել են 3 ծխախոտի տուփ, իսկ պայուսակից՝ բջջային հեռախոս։
Հայտնաբերված ծխախոտի տուփերի զննությամբ պարզվել է, որ դրանց մեջ առկա են եղել առանձնացված փաթեթներով մարիխուանա տեսակի թմրամիջոցին նմանվող, ընդհանուր 63,2 գրամ քաշով դեղնականաչավուն և հերոին տեսակի թմրամիջոցին նմանվող, ընդհանուր 9,97 գրամ քաշով շագանակագույն զանգվածներ։
Գ․Գ․-ն ձերբակալվել է օպերատիվ ծառայողների կողմից և ներկայացվել ՀՀ հակակոռուպցիոն կոմիտե։
Քրեակատարողական ծառայությունը հետամուտ է լինելու ծառայողների և ազատազրկված անձանց միջև անօրինական կապերի հայտնաբերմանն ու կանխմանը»,- ասված է հաղորդագրության մեջ։
Բաց մի թողեք
Գորիսը Սյունիքի կարևոր կենտրոններից է, օգտակար էր լսել ծրագրերը. հանդիպել են Բրիտանիայի դեսպանը և Առուշանյանը. Լուսանկարներ
Անի Խաչատրյանը տղա զավակ է ունեցել
Հատուկ միջոցառում Կոտայքում. հայտնի անձանց «գոլդ» համարանիշերով մեքենաները պահպանվող տարածք են տեղափոխվել. Լուսանկար