Փետրվարի 29-ին արտակարգ դեպք է տեղի ունեցել Երևանում:
Ժամը 10:30-ի սահմաններում ՀՀ ներքին գործերի նախարարության ոստիկանության Պարեկային ծառայության Երևան քաղաքի գնդի պարեկներից մեկը տուն գնալիս Տիչինայի փողոցում աղբամանների մոտ նկատել է երեխաների:
Երեխաների վարքագիծը կասկած է առաջացել պարեկի մոտ, և նա, մոտենալով նրանց, նկատել է, որ երեխաները նռնակի նմանվող առարկայի հետ են խաղում:
Պարեկը երեխաներին, որոնք եղել են 5 հոգի, տարհանել է նշված վայրից, ապա դեպքի մասին տեղեկացրել ՊԾ Երևան քաղաքի գնդի 3-րդ գումարտակի հրամանատարին:
Դեպքի վայր են ժամանել իրավապահներ, տարածքը սահմանազատել: Ժամանել են նաև քննիչը և քրեագետը:
Քրեագետը վնասազերծել է նռնակը և այն տեղափոխել անվտանգ վայր:
Դեպքի փաստով Մալաթիայի քննչական բաժնում նախաձեռնվել է քրեական վարույթ, որտեղ էլ պարզվելու են՝ ինչ հանգամանքներում է նռնակը հայտնվել աղբամանների մոտ:
Բաց մի թողեք
Մեկ զոհ․ Արմավիրում բախվել են ջերմաքարշ գնացքն ու «BMW»-ն. վերջինը բռնկվել է և վերածվել մոխրակույտի․ Լուսանկար
Վարդան Օսկանյանի հանդեպ վարչական տույժ կիրառելու որոշում է կայացվել
Ադրբեջանական բանակի զինծառայող է մահացել