ՌԴ ԱԳՆ պաշտոնական ներկայացուցիչ Մարիա Զախարովան պատասխանել է ծաղկի տեսքով բրոշի մասին հարցին, որը ստացել է որպես նվեր Բաքվի պատվիրակության կողմից Համաշխարհային երիտասարդական փառատոնի շրջանակներում:
Դիվանագետը, ի պատասխան ՏԱՍՍ-ի հարցի, ասել է. «Սա այլ տեսակի ուռճացված պատմություն է մի պարզ պատճառով. նրանք, ովքեր չեն եկել փառատոնին, ովքեր այստեղ չեն, չգիտեն, որ փառատոնի բոլոր մասնակիցները բերել են որոշ նվերներ: Պետք չէ տրվել սադրանքների»:
Դիվանագետը պատմել է, որ պաղեստինցիները նվիրել են «Պաղեստին» մակագրությամբ հուշանվեր, արգենտինացիները տվել են իրենց կրծքանշանները, իսկ Չինաստանի ներկայացուցիչները՝ պանդաներով իրենց խորհրդանիշները։
«Եկատերինբուրգից ինձ զինանշանով սիրտ են նվիրել, որի ներսում հայելի կա, բելգորոդցիներն ինձ տվել են իրենց շրջանի զինանշանով կրծքանշան: Սա ամենևին չի նշանակում, որ ամեն ինչ պետք է քաղաքականացնել: Բացարձակապես նորմալ է, երբ մարդիկ տալիս են իրենց համար կարևոր սիմվոլներ»,- ասել է նա:
Զախարովան նշել է, որ փառատոնից իր հետ բերելու է մի ամբողջ տուփ կրծքանշաններ, բրոշներ, բանալիների շղթաներ, մագնիսներ, ինչպես նաև խոստացել է, որ լուսանկարչական ակնարկ կանի ստացած նվերների վերաբերյալ։
Դիվանագետը նաև հավելել է, որ իրեն շատ է դուր եկել Եկատերինբուրգի բնակիչների նվերը:
Ռուսաստանը Հայաստանին մաղթում է խաղաղություն, կայունություն և բարգավաճում:
«Հայաստանն անցել է իր պատմական դժվարին ճանապարհը, որը ներառում էր ցեղասպանություններ, սեփական ինքնիշխանության համար պաշտպանություն, պայքար իր մշակույթի համար, տարածքային բարդ վեճեր, խնդիրներ, հակամարտություններ։ Այս երկիրն ու այս ժողովուրդն արժանի են խաղաղ ապրելու և ոչ մի դեպքում չդառնալու սակարկության առարկա արևմտյան անբարեխիղճ քաղաքական գործիչների ձեռքում»,- ասել է նա։
Ըստ Զախարովայի, Հայաստանը Ռուսաստանի համար դաշնակից է, ում հետ երկարամյա պատմական կապեր ունեն։
«Ուստի՝ մեր ամբողջ սրտով մաղթում ենք խաղաղություն, կայունություն և բարգավաճում այս պետությանը։ Բայց մենք, ցավոք, տեսնում ենք, որ Ուկրաինային նույնպես գայթակղեցին դեպի արևմտյան ցանցերի, նրանք խոստացան հիանալի հեռանկարներ, ամեն ինչ գունեղ ներկայացրին, բայց օգտագործեցին, ես չէի ցանկանա, որ նույնը տեղի ունենար Հայաստանի հետ:
Հայաստանը, իրոք, պատմականորեն փորձ ունի, և գիտի, թե ով է միշտ օգնության հասել»,- ասել է Զախարովան։
Բաց մի թողեք
Ալիևի անհավատալի արկածներն Իտալիայում՝ ոչ միայն որպես Ադրբեջանի նախագահ, այլև՝ ՌԴ նախագահի «լիազոր ներկայացուցիչ»
Մոսկվան Ադրբեջանի եւ Թուրքիայի հետ որեւէ «ոչ պակաս ընդգրկուն» պայմանավորվածությամբ չի հարվածի «թիկունքից»
«Դիմադրության» շարժման «սրբազան» շարունակությունը․ առաջիկա հավաքին իրական շահառուները դուրս կգա՞ն «փարդի հետևից»