Կեսգիշերն անց ռուսական ՀՕՊ ուժերը Բելգորոդ քաղաքի և Բելգորոդի շրջանի վրա մի քանի օդային թիրախ են խոցել, այս մասին տելեգրամյան իր ալիքում հայտնել է տարածաշրջանի ղեկավար Վյաչեսլավ Գլադկովը։ Նախնական տեղեկություններով՝ տուժածներ չկան:
Սեվրյուկովո գյուղում վնասվել է ավտոմեքենա և հինգ առանձնատուն՝ կոտրվել են ապակիներ, վնասվել են տների ճակատային հատվածները, ինչպես նաև մի քանի ցանկապատ։ Վնասվել է նաև էլեկտրահաղորդման գիծը:
Որոշակի ավերածություններ են գրանցվել նաև Մայսկի և Զելենայա Պոլյանա գյուղերում, որտեղ տներ ու գույք է վնասվել: Մեկ այլ գյուղում՝ Շիշինոյում, բեկորները հարվածել են երկու մեքենայի:
Տարածաշրջանում մի քանի անգամ օդային տագնապ է հայտարարվել:
Բաց մի թողեք
Ուկրաինայի 8 – 10 հազար հայ է մասնակցում պատերազմին
ԱԹՍ-ները մխրճվել են 37 հարկանի շենքի մեջ․ ՌԴ օդային տարածքում. Լուսանկար
Վրաստան-ԵՄ հարաբերությունները պատմական ամենացածր մակարդակի վրա են. Վրաստանում ԵՄ դեսպան