ԵՄ-Ադրբեջան անվտանգության երկխոսության 5-րդ նիստից հետո Եվրամիությունը և Ադրբեջանը համատեղ հայտարարություն են տարածել:
Հանդիպման ընթացքում մասնակիցները մտքեր են փոխանակել ԵՄ-ի և Ադրբեջանի միջև երկկողմ հարաբերությունների վիճակի, ինչպես նաև փոխադարձ հետաքրքրություն ներկայացնող արտաքին քաղաքականության և անվտանգային արդի հարցերի շուրջ։
Անդրադարձ է կատարվել Հայաստանի և Ադրբեջանի միջև հարաբերությունների կարգավորման գործընթացին, ինչպես նաև տարածաշրջանային անվտանգության հարցերի ավելի լայն շրջանակին։ Այս համատեքստում նշվել է տարածաշրջանային կայունության և հարաբերությունների ամրապնդման կարևորությունը։ Ադրբեջանական կողմն ընդգծել է Հայաստանի և Ադրբեջանի միջև երկխոսության երկկողմ բնույթը։
ԵՄ-ն ընդգծել է իր շարունակական աջակցությունը անվտանգ, կայուն, խաղաղ և բարգավաճ Հարավային Կովկասի և տարածաշրջանի բոլոր ժողովուրդների բարեկեցության խաղաղ գործընթացին:
Հանդիպումից հետո ԵՄ-ն և Ադրբեջանը պայմանավորվել են շարունակել կանոնավոր երկխոսությունը: Հանդիպումը համանախագահել են Եվրոպական արտաքին գործողությունների ծառայության գլխավոր քարտուղարի քաղաքական հարցերով տեղակալ Էնրիկե Մորան և Ադրբեջանի նախագահի արտաքին քաղաքականության գծով օգնական Հիքմեթ Հաջիևը:
Բաց մի թողեք
ԱՄՆ-ը և Ռուսաստանն ուկրաինական կարգավորման հարցում համագործակցու՞մ են, թե՞՝ գնում առճակատման
ԱՄՆ-ն աջակցում է Ադրբեջանի և Հայաստանի միջև խաղաղության ձգտմանը. Պետդեպարտամենտ. Լուսանկար
Ասողիկ աբեղա Կարապետյանն անիծել է նրանց, ովքեր կհանդգնեն ներխուժել Մայր Աթոռ Սուրբ Էջմիածին՝ պղծելով Հայոց Վեհարանը