Ռուսաստանի Դաշնության և Հյուսիսային Կորեայի միջև համապարփակ ռազմավարական գործընկերության մասին համաձայնագիրը ցույց է տալիս ավտորիտար ռեժիմների միջև աճող համաձայնեցումը և ընդգծում ժողովրդավարությունների միասնականության կարևորությունը:
Այսպիսի կարծիք է հայտնել ՆԱՏՕ-ի գլխավոր քարտուղար Յենս Ստոլտենբերգը, փոխանցում է Reuters-ը։
«Մենք պետք է գիտակցենք, որ ավտորիտար տերությունները գնալով ավելի են միավորվում: Նրանք միմյանց աջակցում են այնպես, ինչպես մենք երբեք նախկինում չենք տեսել»,- ասել է Ստոլտենբերգը:
ՆԱՏՕ-ի գլխավոր քարտուղարի խոսքով՝ ավելի կարևոր է, որ «մենք միասնական լինենք որպես ազատության և ժողովրդավարության հավատացող երկրներ»:
Պարբերականը նշել է, որ Ռուսաստանի Դաշնության և ասիական այլ երկրների միջև շփումների խորացումը նշանակում է, որ ՆԱՏՕ-ի համար գնալով ավելի կարևոր է դառնում Ասիա-խաղաղօվկիանոսյան տարածաշրջանում դաշնակիցների հետ համագործակցությունը։
Բաց մի թողեք
Ստամբուլում զանգվածային բողոքի ցույցեր են․ դրանք ուղեկցվել են ոստիկանների հետ բախումներով
Ձերբակալվել է Ադրբեջանի քաղաքացի, որն աhաբեկչական գործողություններ է պլանավորել Ռուսաստանի տարածքում
Թրամփը խոստացել է հանցագործներից մաքրել ամերիկյան քաղաքները