Սեպտեմբերի 30-ին Ստրասբուրգում հաստատվել է ԵԽԽՎ աշնանային նստաշրջանի վերջնական օրակարգը, որը կտևի մինչև հոկտեմբերի 4-ը։
81 կողմ, 33 դեմ և 5 ձեռնպահ ձայների հարաբերակցությամբ օրակարգում ընդգրկված է հրատապ բանավեճ՝ «Ադրբեջանում մարդու իրավունքների վիճակի, օրենքի գերակայության և ժողովրդավարության վատթարացումը» թեմայով:
Այն կլինի հոկտեմբերի 1-ին՝ հրատապ կարգով, քննարկման ժամանակ որոշ անդամներ դեմ են արտահայտվել հարցին անդրադառնալուն։
Վրաստանի ներկայացուցիչ Գիվի Միկանաձեն կասկածի տակ է դրել բանավեճի նպատակահարմարությունը Ադրբեջանի ներկայացուցիչների բացակայության պայմաններում և առաջարկել ուղիղ կապ հաստատել «Ադրբեջանի նորընտիր խորհրդարանի» ներկայացուցիչների հետ՝ իրավիճակը քննարկելու համար։
Նրա առաջարկն աջակցություն չի ստացել, բանավեճի որոշումն ընդունվել է ձայների մեծամասնությամբ։
2024 թվականի հունվարին կայացած նստաշրջանում ԵԽԽՎ-ում ադրբեջանական պատվիրակության լիազորությունները չեն հաստատվել՝ ԵԽ-ի հանդեպ կառավարության պարտավորությունները չկատարելու և մարդու իրավունքների լուրջ խախտումների պատճառով։
Բաց մի թողեք
Վախ սփռող ԱԹՍ-ները բզզալու են Կարմիր հրապարակի վրա, Երևանում Զելենսկին հակադարձեց Պուտինին
ԵՔՀ-ն հանդիպում է այստեղ՝ Հարավային Կովկասում՝ Հայաստանը դնելով Եվրոպայի սրտում, որին հենց պատկանում է. Կոշտա
Մենք երբևէ չենք փոխի մեր աշխատակարգը և դիրքորոշումները, որոնք որդեգրում ենք. Ռոբերտա Մեցոլան՝ Ալիևին