ՌԴ-ում Ռուբեն Թաթուլյանի (Ռոբսոն) նկատմամբ քրգործ է հարուցվել. նա կասկածվում է հանցավոր խմբավորում ստեղծելու մեջ․ Լուսանկար

Քրեական գործ է հարուցվել Սոչիի գործարար Ռուբեն Թաթուլյանի (Ռոբսոն) դեմ: Այս մասին նոյեմբերի 25-ին հայտնել է «Известия»-ի աղբյուրը։

Ըստ քննիչների՝ 1998 թվականին Թաթուլյանը ստեղծել է հանցավոր համայնք, որի նպատակն է եղել շորթումը, գողությունը և մարդկանց ֆիզիկական ոչնչացումը։

Նա ներգրավել է Անդրոնիկ Մումջյանի խումբը ղեկավարելու համար և մի քանի այլ մարդկանց. յուրաքանչյուրն ունեցել է իր դերակատարումը։ Խմբավորման անդամները կատարել են աղմկահարույց հանցագործություններ, ներառյալ սպանության սպառնալիքներ և պատվիրված սպանություններ:

Թաթուլյանն այսօր արդեն մեկ այլ քրեական գործով մեղադրյալ է և գտնվում է հետախուզման մեջ։ 2023 թվականի սեպտեմբերին գործարարի՝ Սոչիում գտնվող օբյեկտներում մի շարք խուզարկություններ են կատարվել՝ կապված հողօգտագործման ոլորտում միլիարդավոր դոլարների յուրացումների հետ։ Ավելի ուշ ՆԳՆ-ն Թաթուլյանի նկատմամբ հետախուզում էր հայտարարել ՌԴ քրեական օրենսգրքի հոդվածով։