Հայուհի Էլեն Բադալյանը դարձավ ռուսական «Ну-ка, все вместе!» նախագծի 6-րդ եթերաշրջանի հաղթողը՝ արժանանալով 5 միլիոն ռուբլի գլխավոր մրցանակին եւ «Նոր ռադիո»-ի կողից նոր երգի: 17-ամյա երգչուհին եզրափակչում ելույթ ունեցավ ամենավերջինը:
Հետեւելով 100 մասնագետներից բաղկացած ժյուրիի նախագահ Սերգեյ Լազարեւի խորհրդին՝ Էլենը կատարեց ռուսերեն ստեղծագործություն՝ Պոլինա Գագարինայի «Ты не целуй» երգը:
Նրա ելույթի ընթացքում Սերգեյ Լազարեւը չդիմացավ եւ բարկությունից սեղմեց հատուկ հյուրի՝ Ֆիլիպ Կիրկորովի կոճակը, ով ոտքի չկանգնեց Էլենի ելույթի ժամանակ:
«Այսպիսի ելույթի ընթացքում չկանգնելու համար պետք է ականջներ չունենաք: Այսպիսի պրոֆեսիոնալիզմ ամբողջ եթերաշրջանի շրջանակում ոչ ոք չի դրսեւորել»,-Լազարեւը դիմեց ոտքի չկանգնած մյուս ժյուրիի անդամներին:
Կիրկորովը, վիրավորվելով Լազարեւի պահվածքից, հեռացավ նկարահանման հրապարակից:
Էլենն արդյունքում հավաքեց 98 միավոր՝ առաջ անցնելով մեկ այլ հայազգի մասնացից՝ Ֆլորա Բիչախչյանից, որն ուներ 97 միավոր: Սակայն Սերգեյ Լազարեւը, հաշվի առնելով այն փաստը, որ ինքն էր սեղմել Կիրկորովի կոճակը, առաջարկեց հանել Էլենի օգտին գրանցված մեկ ձայնը եւ նոր քվեարկություն անցկացնել 2 հայուհիների միջեւ, ինչի արդյունքում Էլենն առաջ անցավ մրցակցուհուց եւ հայտնվեց լավագույն եռյակում: Ֆինալիստների ելույթներից հետո հայ երգչուհին կրկին հավաքեց 98 միավոր, որն ամենաբարձր ցուցանիշն էր:
Մրցանակը Էլենին հանձնեց անձամբ Սերգեյ Լազարեւը:
Թվում էր՝ կրքերն ավարտված են, սակայն հաղորդման ավարտին երգիչը, ով գլխավորել է նախագիծը առաջին եթերաշրջանից եւ միշտ աչքի է ընկել իր սրտացավ եւ էմոցիոնալ պահվածքով, շոկային հայտարարություն արեց՝ նշելով, որ որոշել է հեռանալ շոուից եւ նոր եթերաշրջանում չի գլխավորի ժյուրիի կազմը:
Էլենը նախագծում երբեւէ հաղթած միակ հայուհին չէ: Շոուի երրորդ եթերաշրջանում հաղթել էր Սյուզաննա Մելքոնյանը:
Բաց մի թողեք
21-րդ դարի լավագույն ֆուտբոլիստների ցուցակը
Երևանի մետրոպոլիտենը կգործի հատուկ ռեժիմով. աշխատանքային ժամերում փոփոխություններ կլինեն
«Մա՛մ, տղու ծառայությունը պետք է դիրքերում անցնի, տղեն պիտի դիրք պահի». կրտսեր սերժանտ Վաչագան Վարդանյանն անմահացել է 2023 թ. սեպտեմբերի 1-ին Սոթքի դիրքում․ Լուսանկարներ