Մարտի 6-ին արտակարգ դեպք է տեղի ունեցել Երևանում։ Ժամը 15։30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Մաշտոցի բաժնում տեղեկություն է ստացվել, որ «Արմենիա» բժշկական կենտրոնի պոլիկլինիկայում քաղաքացին անհանգստացնում է աշխատակիցներին:
Ոստիկանները պարզել են, որ ժամը 14։30-ի սահմաններում անհայտ անձը Երևանի բնակիչ 61-ամյա Գագիկ Պ․-ի հետ աշխատասենյակում ունեցել է տարաձայնություն, որը վերածվել է քաշքշուկի, որի ընթացքում անհայտ անձը ձեռքով հարվածել է Գագիկ Պ․-ի ձախ աջքի և քունքի հատվածին՝ պատճառելով մարմնական վնասվածք:
Պարզվել է, որ անհայտ անձը հանդիսանում է Երևանի բնակիչ 40-ամյա Ռոբերտ Թ․-ն։
Դեպքի փաստով ոստիկանության Մաշտոցի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին։Գ․ Շամշյանի տեղեկություններով՝ Գագիկ Պ․-ն «Արմենիա» բժշկական կենտրոնի պոլիկլինիկայի ղեկավարի տեղակալն է։
Բաց մի թողեք
Մահացած 1-ամյա երեխայի ծնողները պնդում են, որ երեխան մահացել է բժշկի անգործության հետևանքով
Եթե քնելուց 30 րոպե առաջ սահմանափակեք բջջային հեռախոսի օգտագործումը, ապա էականորեն կբարելավվեք քնի որակը. Արմեն Մուրադյան
Դանակով զինված քաղաքացին հարձակվել է կանչի մեկնած բուժաշխատողների վրա. տուժել է վարորդը