«Այժմ գնդակը Ռուսաստանի դաշտում է». Եվրահանձնաժողովի նախագահ

Եվրահանձնաժողովի նախագահ Ուրսուլա ֆոն դեր Լյայենը ողջունել է երեկ Սաուդյան Արաբիայում տեղի ունեցած ԱՄՆ-Ուկրաինա բանակցությունները:

«Ողջունում ենք Ջիդդայից նորությունները ԱՄՆ-ի և Ուկրաինայի միջև բանակցությունների վերաբերյալ՝ ներառյալ հրադադարի մասին համաձայնագրի, հետախուզական տվյալների փոխանակման և ԱՄՆ-ի կողմից օգնության վերականգնման առաջարկները անվտանգության ոլորտում: Սա դրական իրադարձություն է, որը կարող է քայլ լինել Ուկրաինայի համար համապարփակ, արդարացի և կայուն խաղաղության հասնելու ճանապարհին։

Այժմ գնդակը Ռուսաստանի դաշտում է»,- գրել է Եվրահանձնաժողովի նախագահը։

Նրա խոսքով՝ իր գործընկերների հետ միասին ԵՄ-ն պատրաստ է կատարել իր լիարժեք դերը առաջիկա խաղաղության բանակցություններում։