Անհնար է միաժամանակ լինել ԵԱՏՄ-ում և ԵՄ-ում, բայց Հայաստանը պետք է որոշի, թե որտեղ է լավագույնը:
Այս մասին «ՌԻԱ Նովոստի»-ին ասել է ՌԴ փոխարտգործնախարար Միխայիլ Գալուզինը։
«Մենք համոզված ենք, որ անհնար է լինել միաժամանակ երկու հակադիր ասոցիացիաներում, ինչպես ԵԱՏՄ-ն ու Եվրամիությունն են»,- ասել է Գալուզինը՝ ընդգծելով, որ ԵԱՏՄ-ն հավասար պետությունների ասոցիացիա է, մինչդեռ ԵՄ-ն մի կառույց է, որտեղ «կա կարգապահություն՝ ստորադասված բրյուսելյան չինովնիկների կողմից իրականությունից կտրված հակառուսական պատմություններին»։
Նրա խոսքով՝ պաշտոնական Երևանը պետք է որոշի, թե որտեղ է լավագույնն իր համար. «Հուսով ենք, որ ԵԱՏՄ-ին անդամակցության բոլոր օգուտները և ԵԱՏՄ-ի հետ կապի խզման հետևանքով կորուստների մասշտաբները կբացատրվեն հայ հասարակությանը, որպեսզի հայ հասարակությունն ունենա իրականության օբյեկտիվ պատկերացում»:
Գալուզինը հավելել է, որ Հայաստանն ինքնիշխան պետություն է, որն ինքնուրույն է ընտրում իր զարգացման վեկտորը։
Մարտի 26-ին Հայաստանի խորհրդարանը երկրորդ և վերջնական ընթերցմամբ ընդունել է օրինագիծը երկրի՝ Եվրամիությանն անդամակցելու մտադրության մասին:
Ավելի ուշ ՌԴ փոխվարչապետ Ալեքսեյ Օվերչուկը հայտարարել է, որ Երևանը պետք է ընտրություն կատարի ԵԱՏՄ-ի և ԵՄ-ի միջև. ըստ նրա՝ երկու աթոռի վրա նստել հնարավոր չի լինի:
Բաց մի թողեք
Ֆրանսիայից պահանջում ենք դադարեցնել խաղաղությանը չնպաստող քայլերը. Հաջիզադե
Թրամփն ԱՄՆ-ում առևտրային պատերազմների մեկնարկի մասին
Ուկրաինայի օրինակը հստակ ցույց է տալիս՝ ինչ կարող է տեղի ունենալ երկրի հետ, որը … ՌԴ դեսպան Կոպիրկինը սպառնում է Հայաստանին