Ֆրանսիայի նախագահ Էմանուել Մակրոնը Մոսկվայի և Կիևի միջև ուղիղ բանակցությունները վերսկսելու Պուտինի առաջարկն անվանել է «առաջին քայլ, բայց անբավարար», հայտնում է AFP-ն։
«Անվերապահ զինադադարին բանակցություններ չեն նախորդում: Պուտինը ելք է փնտրում, բայց ցանկանում է ժամանակ շահել»,- ասել է նա լրագրողներին Լեհաստանի Պրշեմիսլ քաղաքում՝ Կիևից տուն վերադառնալու ճանապարհին:
Նախօրեին Մակրոնը Ուկրաինայի մայրաքաղաքում մասնակցել է «կամավորների կոալիցիայի» գագաթնաժողովին, որից հետո Վլադիմիր Զելենսկին Մոսկվայից պահանջել է համաձայնել մայիսի 12-ից 30-օրյա անվերապահ և ամբողջական հրադադարի:
Հիշեցնենք՝ Ռուսաստանն առաջարկել է Ուկրաինային ուղիղ բանակցություններ վարել առանց նախապայմանների մայիսի 15-ին Ստամբուլում։
Վլադիմիր Պուտինը հայտարարել է, որ Մոսկվան պատրաստ է երկխոսության և սպասում է Կիևի և նրա արևմտյան գործընկերների արձագանքին։
Բաց մի թողեք
Լրագրողը հրաժարվել է բանտից դուրս գալ Լուկաշենկոյի շնորհած ներմամբ
Սիդնեյում ահաբեկչությունը տեղի է ունեցել, երբ տեղի հրեական համայնքի ներկայացուցիչները տոնում էին ազգային «Խանուկա» տոնը
Ռուսաստանում գնդակահարվում են, բայց չեն ցանկանում պատերազմել Ուկրաինայի դեմ