Ինչպես հայտնել էինք՝ մայիսի 24-ին՝ ժամը 10։40-ի սահմաններում, ՆԳՆ փրկարար ծառայության աշխատակիցները Մարմարիկ գետում՝ Հրազդան ՋԷԿ-ի մոտակա կամրջի մոտ, հայտնաբերել են մայիսի 4-ից որոնվող երեխայի դին։
ՆԳՆ մամուլի խոսնակ Նարեկ Սարգսյանը որոշ մանրամասներ հայտնեց՝ նշելով. «Գետի հոսքի հետ կապված որոշակի փոփոխություններ են եղել, և այսօր գետի մակարդակը բավականին իջած է եղել: Ջրասուզակն է հայտնաբերել երեխայի դին գետից, ընդ որում՝ ոչ թե ջրի վրայից, այլ խորքից՝ գետի հատակից»,- ասաց Սարգսյանը:
Նարեկ Սարգսյանը նաև տեղեկացրեց, որ մշտապես կապի մեջ են եղել Տիգրանի հարազատների հետ, նրանց խնդրանքով մայիսի 23-ին ՆԳ նախարար Արփինե Սարգսյանը հանդիպել է վերջիններիս հետ:
«Ընտանիքի կողմից վերջերս նամակ էին գրել ՆԳ նախարարի էլեկտրոնային փոստին՝ ցանկություն հայտնելով հանդիպել նախարարի հետ: Երեկ ՆԳ նախարարը այցելել է փոքրիկի հարազատներին՝ քննարկելու ընդհանուր իրավիճակը, վարկածները, տարվող աշխատանքները, որից հետո նաև որոշակի հանձնարարականներ է տվել»,- ասաց նա:
Քննչական կոմիտեից «Հայկական ժամանակ»-ին հայտնել են, որ Մարմարիկում հայտնաբերված 2-ամյա Տիգրանի մարմնի վրա արտաքին զննությամբ չկան վնասվածքներ, բռնության հետքեր։ Նշանակվել է դիակի դատաբժշկական փորձաքննություն։
Ավելի վաղ հայտնի էր դարձել, որ քննիչները ժամանել են այն վայր, որտեղ հայտնաբերվել է Տիգրանի դին:
2-ամյա Տիգրանի մարմինը գետից դուրս հանելուց հետո բազմաթիվ իրավապահներ են աշխատում դեպքի վայրում:
Քննչական կոմիտեից «Հայկական ժամանակ»-ին հայտնել են, որ Մարմարիկում հայտնաբերված 2-ամյա Տիգրանի մարմնի վրա արտաքին զննությամբ չկան վնասվածքներ, բռնության հետքեր։ Նշանակվել է դիակի դատաբժշկական փորձաքննություն։
Ավելի վաղ տեղեկացրել էինք, որ Մարմարիկ գետում փրկարարների ներգրավվածությամբ իրականացվում են որոնողական աշխատանքներ 2-ամյա երեխային գտնելու ուղղությամբ։ Կիրառվել են անօդաչու սարքեր և փրկարար նավակներ, աշխատում են կինոլոգիական ծառայության աշխատակիցներ, մինչ օրս որոնումներ են իրականացնում ջրասուզակները:
Մայիսի 4-ին Կոտայքի մարզի անչափահաս բնակչի՝ 2 տարեկան երեխայի անհետացման փաստի առթիվ նախաձեռնվել է քրեական վարույթ:
Մայիսի 7-ին Մարմարիկ գետի հոսքը մասամբ կանգնեցվել էր, հատուկ նավակներ ու սարքեր էին իջեցվել ջրի հատակն ամբողջ երկայնքով նկարելու համար:
Բաց մի թողեք
Հավաքվում ենք Արամ Մանուկյանի արձանի մոտ, ապա՝ երթով շարժվում
Հուլիսի 4-ին, ժամը 18:00-ին` մի քանի ժամով թողեք ձեր գործերը, միացեք մեզ
Մեկ շաբաթ առաջ նշանակված Հոգեբուժարանի տնօրենը ձերբակալվել է․ Լուսանկար