Նիկոլ Փաշինյանը «Ֆեյսբուք»-ի իր էջում կրկին անդրադարձել է Ամենայն հայոց կաթողիկոսի անվան շուրջ աղմուկին և տեղեկությանը, թե վերջինս զավակ ունի:
«Մայր Աթոռ Սուրբ Էջմիածինը պետք է հստակ պարզաբանի, արդյո՞ք Գարեգին Բ–ն խախտել է կուսակրոնության ուխտը եւ զավակ ունի։ Այս հարցը պետք է պարզաբանվի»,- գրել է վարչապետը:
Ավելի վաղ ՀՀ վարչապետ Նիկոլ Փաշինյանը «Ֆեյսբուք»-ի իր էջում գրել է, որ եթե պարզվի՝ իրոք Գարեգին Բ-ն խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս, որովհետև խնդրո առարկա փաստի առկայության պահից նա չէր կարող լինել կուսակրոն քահանա։
Այս գրառմանը հաջորդել էր Գարեգին Բ-ի կողմից Մայր Աթոռ Սուրբ Էջմիածնում եպիսկոպոսաց ժողովի հրավիրումը:
Նիկոլ Փաշինյանը «Ֆեյսբուք»-ի իր էջում հերթական սաղմոսն է մեջբերել:
«8 Տէ՛ր, Տէ՛ր, իմ փրկութեան զօրութի՛ւն,
գլխիս հովանի՛ն պատերազմի մէջ:
9 Մի՛ մատնիր ինձ, Տէ՛ր, մեղաւորների կամքին,
որոնք նենգամտեցին իմ դէմ:
Ինձ երեսի վրայ մի՛ թող,
որ նրանք երբեք չբարձրանան,
եւ նրանց մտադրութիւնները չկատարուեն:
10 Թող նրանց կատարածի վախճանն այս լինի.
իրենց շրթունքների վաստակը թող ծածկի նրանց:
11 Դու նրանց վրայ կրակի կայծեր թափի՛ր ու կործանի՛ր նրանց,
որ տառապանքներից չկարողանան փրկուել:
Սաղմոս 139․ 8–11»:
Բաց մի թողեք
«Քանի դեռ չկա խաղաղության պայմանագիր, էսկալացիայի վտանգ անընդհատ էլ կա»
Տեղի է ունեցել Նիկոլ Փաշինյանի և Ռեջեփ Թայիփ Էրդողանի հեռախոսազրույցը
«Դոմփել» բառը հայհոյանք չէ, հայհոյանքը սեռական բնույթի բառեր արտաբերելն է. Ալեն Սիմոնյան