Հոգեկան առողջության պահպանման ազգային կենտրոնի (Նուբարաշենի հոգեբուժարան) նախկին տնօրեն Սերգեյ Խաչատրյանը նշանակվել է «Մարգարյան» ծննդատան գլխավոր տնօրեն։ Այս մասին նա տեղեկացրել է «Ֆեյսբուքի» իր էջում։
Նա նշել է, որ այսօր տեղի է ունեցել «Մարգարյան ծննդատուն» մոր և մանկան առողջության պահպանման գիտահետազոտական կենտրոն» ՓԲԸ–ի բաժնետերերի տարեկան ընդհանուր ժողովը, որի որոշմամբ էլ հաստատվել է իր նշանակումը որպես կենտրոնի գլխավոր տնօրեն։
«Հուլիսի 1–ից անցնում եմ իմ՝ գլխավոր տնօրենի պարտականությունների կատարմանը։ Ուզում եմ շնորհակալություն հայտնել ՓԲԸ բաժնետերերին վստահության համար, նաև շնորհակալ եմ բոլոր նրանց, ովքեր այս երկու ամիսների ընթացքում հավատացել, աջակցել և քաջալերել են ինձ։ Եղեք առողջ, երջանիկ, ունեցեք շատ երեխաներ, թոռներ, ծոռներ․․․մենք ձեր կողքին ենք»,– գրել է նա։
Նշենք, որ Սերգեյ Խաչատրյանը 2010 թվականից, եղել է ՀՀ առողջահության փոխնախարար։ Նա այդ պաշտոնը լքել է արդեն ՀՀ վարչապետ Նիկոլ Փաշինյանի կառավարման ժամանակ` 2019–ի ապրիլին նշանակվելով Հոգեկան առողջության պահպանման ազգային կենտրոնի տնօրեն։ Այս պաշտոնից Խաչատրյանն ազատվել է 2025–ի ապրիլի 22–ին` պայմանագրի ժամկետը լրանալու հիմքով։
Բաց մի թողեք
Վանաձորում հրաժեշտ տվեցին վաստակաշատ բժշկուհուն, ով էր նա․ Լուսանկար
Ամռանը խուսափեք քաղցր և գազավորված ըմպելիքներից, խմեք ջուր և օգտագործեք ջրով հարուստ մթերքներ. Արմեն Մուրադյան
Հայաստանում էսթետիկ ներարկումներ իրականացնողների տարիքը վերջին տարիներին զգալիորեն իջել է. հնարավոր ռիսկեր