Գործարար Սամվել Կարապետյանի դեմ հարուցված քրեական գործը իրավական հենք չունի և ուղղված է նրան քաղաքական հիմքով հետապնդելու նպատակով։
Այս մասին ասուլիսի ժամանակ հայտարարեց Կարապետյանի պաշտպան Արամ Վարդևանյանը՝ ներկայացնելով գործի մանրամասները և կալանավորման ընթացքը։
Փաստաբանի խոսքով՝ Սամվել Կարապետյանին վերագրվում է ենթադրյալ միջին ծանրության հանցանք, որի համար առավելագույն պատիժը կարող է լինել տուգանք։ «Այդպիսի դեպքերում նույնիսկ խափանման միջոց կիրառելու հիմք չկա, առավել ևս երբ առերևույթ հանցագործություն էլ չկա։ Սակայն այս դեպքում նույնիսկ տնային կալանք չի կիրառվել, ինչը վկայում է գործի քաղաքական դրդապատճառների մասին»,- նշեց Վարդևանյանը։
Նա ընդգծեց, որ Հայաստանի գլխավոր դատախազն անգամ Ազգային ժողովում իր ելույթի ժամանակ վկայակոչել էր վճռաբեկ դատարանի նախադեպ, համաձայն որի՝ միջին ծանրության հանցանքների դեպքում նախընտրելի է կիրառել տնային կալանք։ Սակայն այս գործով խախտվել է նաև այդ սկզբունքը։
Վարդևանյանը նաև հավելեց, որ Սամվել Կարապետյանի դեմ հաղորդումը Քննչական կոմիտե է ներկայացվել անձամբ գլխավոր դատախազ Աննա Վարդապետյանի կողմից, ինչը ևս, ըստ նրա, ընդգծում է գործի նկատմամբ ոչ իրավական, այլ քաղաքական մոտեցումը։
Բաց մի թողեք
Սամվել Կարապետյանին կալանավորելով՝ Փաշինյանը փորձում է պարտադրել Ալիևի Սահմանադրության ընդունումը
Հայտարարում ենք համազգային համախմբման ձևավորման մասին. Ընդդիմադիր ուժերը միավորվել են․ Տեսանյութ
Էսօր հատուկ միջոցառում է լինելու․ Նարեկ Կարապետյան. Տեսանյութ