ԱՄՆ ռազմական հրամանատարներն ավարտում են Իրանի դեմ լայնածավալ ռազմական գործողությունների հնարավոր վերսկսման նախապատրաստական աշխատանքները՝ Մերձավոր Արևելք լրացուցիչ ուժեր և միջոցներ տեղակայելով․ այս մասին հաղորդել է Axios-ը՝ հղում անելով պաշտոնյաներին։
ԱՄՆ նախագահ Դոնալդ Թրամփի մերձավոր օգնականները դեռևս անորոշ են, թե ինչ կանի նա միջանկյալ ընտրություններում պարտությունից հետո՝ ընդգծելով, որ պատերազմի վերսկսումը կլինի չափազանց ոչ ժողովրդական քայլ և կարող է չհանգեցնել հաջող արդյունքների։
Թրամփի նախկին խորհրդականներից մեկը Axios-ին ասել է. «Մի բան է միջանկյալ ընտրություններում պարտվելը։ Բայց Թրամփը չի ուզում այնպիսի տեսք ունենալ, կարծես երկու անգամ պարտվել է»։
Ըստ Axios-ի՝ Թրամփը բախվում է Իրանի հարցի ընդհանուր առմամբ անբարենպաստ հեռանկարի։ ԱՄՆ նախագահը խոստովանել է, որ Իրանի հետ պատերազմը հանրապետականներին թանկ նստեց միջանկյալ ընտրություններում։ Հիմա նա պետք է որոշի՝ նվազագույնի հասցնել կորուստները և համաձայնության գալ, կամ սրել իրավիճակը և վերադառնալ ռմբակոծություններին։
Եթե Իրանի իշխանությունները հրաժարվեն զիջումների գնալուց, կամ, նախագահի քաղաքական պարտությունից հետո թուլություն զգալով, ավելացնեն իրենց պահանջները, Թրամփի համար չափազանց դժվար կլինի համաձայնության հասնելը։ Նախագահը մի քանի շաբաթ է, ինչ ասում է, որ ընտրություններից հետո այս կամ այն կերպ կավարտի պատերազմը։
Նոյեմբերի 4-ին լրագրողների հարցին, թե երբ է նա մտադիր ավարտել պատերազմը, Թրամփը պատասխանել է. «Երբ ես ցանկանամ։ Բայց դա պետք է արվի ճիշտ, քանի որ նրանք բացարձակապես չպետք է միջուկային զենք ունենան»։
Բաց մի թողեք
Վենսը մարտահրավե՞ր է նետում Թրամփին
Ինչ կփոխվի ԱՄՆ ընտրություններից հետո
Թրամփի ռազմական նախագծերը վտանգի տակ են դեմոկրատների հաղթանակից հետո