Պարզվում է, նոր քրեական գործ են փորձում կարել Շիրակի թեմի առաջնորդ, ԱԱԾ մեկուսարանում գտնվող Միքայել արքեպիսկոպոս Աջապահյանի վրա։
Գործը կարելուն մասնակցում է նաեւ Աննա Հակոբյանի գյումրեցի օգնականը՝ զոհվածի մայր Վարդուհի Մանուկյանը։ Մեզ դեռ չի հաջողվել ճշտել այս գործի մանրամասները, բայց ըստ նախնական տեղեկությունների, բարերարներից մեկի տրամադրած գումարները ոչ նպատակային ծախսելու մասին է խոսքը։
Նորից գործում առկա է ինչ որ «խուժան» ձայնագրություն, որն արվել է ոչ օրինական կարգով։ Եւ նորից խոսքը մի քանի տարի առաջվա դեպքերի մասին է։ Այս գործով արդեն կա նաեւ տնային կալանքի ենթարկված անձնավորություն, որից փորձում են Աջապահյանի դեմ ցուցմունք կորզել։
Վերջին շրջանում հարուցված քրեական վարույթներից դատելով, կարող ենք ասել, որ օրենքը պահպանելու որեւէ պարտավորություն արդեն նախաքննական մարմինները չունեն՝ նրանք քաղաքական պատվեր կատարող համակարգի են վերածվել եւ կատարում են գործող իշխանությունների՝ անխտիր բոլոր հրահանգները։
Բաց մի թողեք
Ձայնագրություն, որտեղ Աղան աբեղա Երնջակյանն անարգում է Փաշինյանի հայրիկի պատիվը
Արթուր Սարգսյանի հայրը առողջական ծայրահեղ ծանր վիճակում է, դատարանը մերժել է միջնորդությունը
ՀԷՑ-ում ՔՊ-ական նոր «խմբաքանակ» են ստացել․ Լուսանկար