Այսօր հերթական ցուցադրական միջոցառումն է նախաձեռնել Նիկոլ Փաշինյանը: Երեկ նա Մարզահամերգային համալիրում էր նման միջոցառում անում երկրի 7 հազար քաղծառայողների պարտադրված մասնակցությամբ, իսկ այսօր Արարատ գյուղի եկեղեցում է միջոցառման, որի անունը պատարագ է:
Հիշեցնենք, որ սա թվով չորրորդ պատարագն է, որին մասնակցում է Նիկոլ Փաշինյանը` իր թիմակիցների և փոքրաթիվ աջակիցների հետ: Սովորաբար հավատավոր մարդիկ պատարագների մասնակցում են իրենց համայնքի եկեղեցում, կամ էլ Մայր տաճարում, ոչ ոք Իջևանից չի հասնում Թալին` պատարագի մասնակցելու, սակայն քանի որ Փաշինյանը պատարագներն էլ քաղաքականացրեց` երկրում ձևավորեց շրջիկ պատարագ լսողների խումբ, որն իր հետևից գնում է այն եկեղեցին, որտեղ այդ կիրակի Փաշինյանը որոշել է պատարագի մասնակցել:
Այս շաբաթ Վազգեն Սարգսյանի Դավալուի հերթն էր:
Կարող ենք արձանահրել, որ նախորդ պատարագին Եկեղեցին ճաք տվեց` պառակտվեց, որովհետև Վայոց Ձորի թեմի բիզնեսմեն առաջնորդ Աբրահամ սրբազանն անձամբ մասնակցեց այդ պատարագին:
Նրան այդ քայլից հետ չպահեց ոչ միայն այն, որ ամենաերկարամյա թեմի առաջնորդն է և Գարեգին Բ կաթողիկոսի հետ երկար ճանապարհ է անցել, այլ նույնիսկ այն, որ պատարագին մասնակցելուց առաջ Փաշինյանը պայման է դնում, որ իր ներկայությամբ պատարագի տեքստում չպետք է հնչի ոչ Վեհափառի, ոչ տվյալ թեմի առաջնորդի անունը:
Եվ նախապես նման խոստում ստանալուց հետո է միայն ժամանում: Իսկ այդ հատվածը պատարագի պարտադիր բաղկացուցիչն է համարվում: Այսինքն, Աբրահամ սրբազանի ներկայությամբ Վայոց Ձորի Խաչիկ եկեղեցու քահանան զեղչել է և կաթողիկոսի, և թեմի առաջնորդի անունը` հենց իր ներկայությամբ:
Այդ նվաստացումն անգամ թեմի առաջնորդներին հետ չի պահում քաղաքականացված պատարագներին մասնակցելուց: Այսօր էլ, ինչպես երեկ գրել էինք, Արարատի պատարագին մասնակցում է Մասյացոտնի թեմի առաջնորդ Գևորգ սրբազանը, որի մասին եկեղեցում ասում են` մոմավաճառի պաշտոնից առաջ չէր գնա, եթե Գարեգին Բ-ն չլիներ:
Թեմի առաջնորդը ոչ միայն մասնակցում է, այլև հատուկ խոնարհումով ողջունել է եկեղեցին ու նրա առաջնորդին ամիսներ շարունակ վիրավորող վարչապետին:
Արձանագրենք նաև, որ շանտաժով, հոգեբանական տեռորով, հակաիրավական գործողություններով գործադիրի ղեկավարը կամաց հասնում է իր ուզածին` եկեղեցին բաժանվել է նիկոլական և հականիկոլական թևերի:
Նիկոլական հոգևորականները երկխոսելու, բանակցելու, համաձայնության գալու կոչեր են անում: Չնայած այս պարագայում համաձայնություն ասվածը մի բան է նշանակում` կաթողիկոսի հրաժարականը:
Արեգ Մարգարյան
Բաց մի թողեք
Պրոֆեսոր Ալեքսանդր Մալայան․ բժիշկ, ով մարդկանց վերադարձնում էր ոչ միայն տեսողությունը, այլև կյանքի լույսը
Վարչապետը չի ուզում, որ հայկական դրոշը բարձրացնեն
Ռուսաստան մուտք գործող յուրաքանչյուր օտարերկրացի կգտնվի ոստիկանության և հատուկ ծառայությունների շուրջօրյա հսկողության տակ