Ուկրաինան ռուս-ուկրաինական կարգավորման նպատակով 20 կետանոց խաղաղության համաձայնագիր կստորագրի Միացյալ Նահանգների հետ, իսկ Միացյալ Նահանգները առանձին փաստաթուղթ կստորագրի Ռուսաստանի հետ։
Այս մասին հայտարարել է Ուկրաինայի արտաքին գործերի նախարար Անդրեյ Սիբիգան «Եվրոպական պրավդա»-ին տված հարցազրույցում։
Սիբիգան նշել է, որ 20 կետանոց համաձայնագիրը, որը ներկայումս գտնվում է խաղաղության գործընթացի կենտրոնում, երկկողմանի փաստաթուղթ է. «Եթե խոսենք բացառապես այս 20 կետանոց շրջանակի մասին, ապա առայժմ դա երկկողմանի փաստաթուղթ է, որը կստորագրեն Միացյալ Նահանգները և Ուկրաինան։ Միացյալ Նահանգները նույնպես պետք է ստորագրեն Ռուսաստանի հետ։ Այս շրջանակը ներկայումս քննարկվում է, բայց բանակցությունները դեռ շարունակվում են. դա գործընթաց է»։
Խաղաղության պլանի կետերից մեկը վերաբերում է Ուկրաինայի ԵՄ-ին անդամակցությանը։ Մեկնաբանելով այս մասին՝ Սիբիգան ասել է, որ «նույնիսկ եթե ԵՄ-ն չստորագրի փաստաթուղթը, այն չի կարող պարունակել որևէ կետ, որի շուրջ համաձայնություն չի ձեռք բերվել եվրոպական դաշնակիցների հետ»։
Բաց մի թողեք
Վենսի միջազգային այցերի վիճակագրությունը
Լիտվայի «B պլանը»՝ ավելի քիչ ամերիկյան զորքերով Եվրոպայի համար
Սթարմերի գլխավոր օգնական Մորգան ՄաքՍվինին հրաժարական է տվել Պիտեր Մանդելսոնի սկանդալի պատճառով