Աշտարակ համայնքի Օրգով գյուղի 12-ամյա բնակչի օրգանիզմում ենթադրյալ թմրանյութ հայտնաբերվելու դեպքով մեկ անձ ձերբակալվել է:
Այս մասին «Հայկական ժամանակ»-ին հայտնել են Ներքին գործերի նախարարությունից:
Հիշեցնենք՝ օրերս դեպքին մանրամասնությամբ անդրադարձել էր ՆԳ նախարար Արփինե Սարգսյանը:
«Ամբողջ իրավապահ համակարգը այս պահի դրությամբ պատշաճ կերպով դիտարկում է դեպքը: Ունենք հաղորդում, որը փոխանցել ենք քննչական մարմնին։ Ոստիկանությունն օպերատիվ- հետախուզական աշխատանքներ է տանում։ Սկզբից ունեինք անձ նույնականացված, բայց կարծես թե փաստերը բավարար չեն եղել, որպեսզի վստահ լինենք, որ տվյալ անձն է կատարել:
Հավելյալ մանրամասներ այս պահի դրությամբ չեմ կարող հայտնել։ Ինչպես գիտեք, փորձաքննության արդյունքում նախնական տվյալներով՝ թմրամիջոցի հետք էր հայտնաբերվել։ Այս պահի դրությամբ աշխատում ենք, որպեսզի տեսնենք՝ ամբողջ պատկերն ինչպիսին է, և արագ գնանք առաջ։ Հարցն իմ վերահսկողության ներքո է գտնվում, և ճշգրիտ ինֆորմացիա ունենալու պայմաններում կներկայացնենք»,- հայտնել էր նախարարը։
Բաց մի թողեք
Հերթական գողությունը՝ Արմավիրում, թալանել են, երբ տանտերերը «Դվին»-ում մասնակցելիս են եղել հարսանեկան արարողության
Դատարանը 2 ամսով երկարաձգեց Վեդիի մանկшապղծությшն գործով կալանավորվածների կալանքի ժամկետը. Լուսանկար
Կրակոցներ՝ Լոռու մարզում․ հրազենային վնասվածքներով հիվանդանոց է տեղափոխվել 30-ամյա տղամարդ