Քիչ առաջ տեղեկություն տարածվեց զինծառայողի մահվան մասին։
ՊՆ խոսնակը «Հրապարակ»-ի հետ հեռախոսազրույցում հաստատեց դեպքը՝ նշելով, որ մահացածը պայմանագրային զինծառայող է։ «Պայմանագրային զինծառայող է, իր բնակության վայրում՝ ֆերմայում է եղել։ Բանակի հետ կապված չի կարող համարվել այս դեպքը»,– ասաց ՊՆ խոսնակը։
Մեր հարցին, թե ինչու է զինծառայողը գտնվել բնակության վայրում, ՊՆ խոսնակը պատասխանեց, որ այդ առնչությամբ լրացուցիչ տեղեկություն չունի։
ՀՀ ՊՆ-ից դեպքի առնչությամբ պարզաբանում խնդրեցինք: Ի պատասխան մեր հարցի` ՀՀ ՊՆ մամուլի քարտուղար Արամ Թորոսյանն ասաց. «Բանակում մահվան դեպք չի արձանագրվել:
Շրջանառվող տեղեկությունների վերաբերյալ հայտնում ենք, որ նշված դեպքը տեղի է ունեցել մահացածի բնակության վայրում, մասնավորապես՝ անասնաֆերմայում։
Մահացածն այդ պահին ծառայության մեջ չի գտնվել․ դեպքն առնչություն չունի ծառայության հետ և չի կարող որակվել որպես բանակում տեղի ունեցած պատահար։
Մամուլում վերջին օրերի հրապարակումները խիստ բացասական ազդեցություն են թողնում զորքերի բարոյահոգեբանական վիճակի վրա, ուստի պահանջում ենք զերծ մնալ բանակի թիրախավորումից և խուսափել զինծառայողների ու նրանց ծնողների, հարազատների շրջանում անհարկի լարվածություն հարուցող գործելաոճից»,- նշեց նա:
Բաց մի թողեք
Ինչպե՞ս պայքարել ընտրովի արդարադատության եւ քաղաքական հետապնդումների դեմ
ԱԺ-ում ընդունվել է կառավարության ծրագիրը. Փաշինյանը դեռ ․․․ կզացնում է
«Իրավապահ համակարգի բեսպրեդելը՝ ՀՀ ՄԻՊ-ի լռության ներքո