Ռուսաստանի նախագահ Վլադիմիր Պուտինը և Հայաստանի վարչապետ Նիկոլ Փաշինյանը համաձայնել են առանձին երկկողմ հանդիպում անցկացնել՝ քննարկելու Երևանի ԵՄ անդամակցության ձգտումները և դրանց հետ կապված հարցերը, հայտարարել է Ռուսաստանի արտաքին գործերի նախարար Սերգեյ Լավրովը։
«Նախագահ Պուտինը և վարչապետ Փաշինյանը հանդիպել են Բիշքեկում և համաձայնել են անցկացնել հատուկ, առանձին երկկողմ հանդիպում և անկեղծորեն քննարկել այս ամենը», – ըստ ռուսական լրատվամիջոցների՝ ասել է Լավրովը։
Նրա խոսքով՝ զրույցը, ենթադրաբար, տեղի կունենա ավելի ուշ։
Ռուսաստանի արտաքին գործերի նախարարը հայտարարել է, որ Մոսկվան չի մտադրվում խոչընդոտել Հայաստանին գործընկերների ընտրության և զարգացման ուղղության հարցում։
Միևնույն ժամանակ, Լավրովը հայտարարել է, որ Ռուսաստանը «մտադիր չէ ֆինանսավորել Հայաստանի ԵՄ անդամակցության նախապատրաստական աշխատանքները՝ Եվրասիական տնտեսական միության անդամ լինելու շրջանակներում»։
Պուտինն ու Փաշինյանը հանդիպել են սեպտեմբերի սկզբին Բիշքեկում կայացած ՇՀԿ գագաթնաժողովի շրջանակներում։
Բաց մի թողեք
Բաքուն ցանկանում է Եվրոպային դատել կոռուպցիայի չափանիշներով
Ռուսներն ու ադրբեջանցիները որոշել են բարիշել
Հայաստանն ու Ադրբեջանը րոպե առաջ կհասնեն մնայուն խաղաղության․ Թուրքիայի ՊՆ