ԱՄՆ Ներկայացուցիչների պալատում դեմոկրատների առաջնորդ Հաքիմ Ջեֆրիսը կարող է պատմություն կերտել՝ դառնալով Կոնգրեսի ստորին պալատի առաջին սևամորթ խոսնակը. այս մասին հայտնել է «The Associated Press»-ը։
Այս հնարավորությունը ի հայտ է եկել միջանկյալ ընտրություններում դեմոկրատների հաղթանակից հետո, որը նրանց մեծամասնություն է ապահովում Ներկայացուցիչների պալատում։
Ջեֆրիսի թեկնածության վերաբերյալ վերջնական որոշումը կկայացնեն Կոնգրեսի անդամները հունվարի 3-ին կայանալիք քվեարկության ժամանակ, երբ աշխատանքը կսկսի նոր Կոնգրեսը։ Ակնկալվում է, որ դեմոկրատները նրան կառաջադրեն խոսնակի պաշտոնում, իսկ այնուհետև կաջակցեն նրան Ներկայացուցիչների պալատի լիագումար քվեարկության ընթացքում։
Նրա հնարավոր նշանակումը պատմական իրադարձություն կդառնա ամերիկյան քաղաքականության մեջ։ Կոնգրեսի առաջին սևամորթ անդամն ընտրվել էր Ներկայացուցիչների պալատ դեռևս Քաղաքացիական պատերազմին հաջորդած «Վերակառուցման» (Reconstruction) շրջանում՝ ավելի քան 150 տարի առաջ։
Վաշինգտոնում դեմոկրատների հաղթանակին նվիրված տոնակատարության ժամանակ Ջեֆրիսին դիմավորել են «Խոսնա՛կ, խոսնա՛կ» վանկարկումներով։
56-ամյա Ջեֆրիսը 2013 թվականից ի վեր Կոնգրեսում ներկայացնում է Բրուքլինը։ Նա ստանձնել էր Ներկայացուցիչների պալատի դեմոկրատների ղեկավարումը այն բանից հետո, երբ 2022 թվականին Նենսի Փելոսին հեռացել էր։ Ընտրվելու դեպքում նա կփոխարինի գործող խոսնակին՝ հանրապետական Մայք Ջոնսոնին։
Բաց մի թողեք
Դեմոկրատները հաղթանակ են տարել ԱՄՆ միջանկյալ ընտրություններում՝ վերահսկողություն հաստատելով Կոնգրեսի երկու պալատներում
«Ձեր երեխաներին ասեք, որ վատ մարդիկ պարտվեցին»․ մահմեդական նորընտիր սենատորը դիմել է նաև Թրամփին. Լուսանկար
Ադրբեջանի և Իրանի սահմանին զինված փոխհրաձգություն է տեղի ունեցել