Ո՞րն է եղել Չինարի գյուղում 55-ամյա և 49-ամյա ամուսինների մահվան նախնական պատճառը

Չինարի գյուղում 55-ամյա և 49-ամյա ամուսինների մահվան նախնական պատճառը եղել է գազի արտահոսքը։

Ամուսիններն ուշ երեկոյան խնջույքից տուն են վերադարձել, և միանգամից բարձրացել տան երկրորդ հարկում գտնվող իրենց ննջասենյակը։ Գազի արտահոսքը տեղի է ունեցել տան առաջին հարկում։

Չինարի գյուղի բնակիչ ամուսնները երեք չափահաս երեխա ունեին, նրանք ապրում են արտերկրում։

Նշենք, որ Չինարի գյուղում 55-ամյա և 49-ամյա ամուսինների մահվան դեպքի առթիվ նախաձեռնվել է քրեական վարույթ սպանության հատկանիշներով։

Ավելի վաղ հայտնել էինք, որ ապրիլի 14-ին՝ ժամը 9։47-ին, ոստիկանության Տավուշի մարզի օպերատիվ կառավարման կենտրոն «Այգեձոր» բժշկական կենտրոնից ահազանգ է ստացվել, որ Չինարի գյուղի 55-ամյա և 49-ամյա բնակիչ ամուսինները տանը հանկարծամահ են եղել։ Այդ մասին հայտնել էին ՆԳՆ–ից։