Ալիևը համաներում է հայտարարել, հայեր կան արդյոք

Ադրբեջանի նախագահ Իլհամ Ալիևը հրամանագիր է ստորագրել համաներում շնորհելու մասին, որով ներում է շնորհվել 218 մարդու, որոնք պատիժ են կրում ադրբեջանական բանտերում, գրում են այդ երկրի ԶԼՄ-ները:

Ներման արժանացածների թվում է Ֆրանսիայի քաղաքացի Քլեր Տիեգո Հյուգոն, որն, իբր, գաղտնի մտել է Բաքվի մետրոյի կայարան և ներկել մի քանի վագոն։

Ընդհանուր առմամբ, ներում ստացածների թվում են 16 օտարերկրյա քաղաքացիներ։

Նրանցից 5-ը Իրանի քաղաքացիներ են, 4-ը՝ Ռուսաստանի, 2-ը՝ Պակիստանի, 2-ը՝ Վրաստանի, իսկ մեկական՝ Ֆրանսիայի, Թուրքիայի և Աֆղանստանի քաղաքացիներ։