ԵՄ-ն պատժեց ՌԴ-ին, արդյունքում Հունգարիայի վարչապետն է իրար խառնվել

Հունգարիան մտադիր է ուղիներ փնտրել Ռուսաստանից նավթի և գազի մատակարարման ԵՄ արգելքը շրջանցելու համար և շարունակելու է դեմ լինել այս որոշմանը։ 

Այս մասին հայտարարել է վարչապետ Վիկտոր Օրբանը Բրյուսելում կայացած ԵՄ գագաթնաժողովում։

«Ճիշտ է, որ որոշ ռուսական նավթային ընկերությունների դեմ պատժամիջոցներ կան… Մենք աշխատում ենք այդ պատժամիջոցները շրջանցելու ուղղությամբ», – ասել է Օրբանը «Kossuth» ռադիոյի առավոտյան ծրագրին։

Նրա խոսքով, հարցը քննարկել է հունգարական MOL ընկերության ղեկավարության հետ, որն իր վերամշակման գործարաններում օգտագործում է ռուսական նավթ։

Օրբանը վստահեցրել է, որ պայքարը շարունակվում է, և «մարտը դեռ պարտված չէ»՝ նշելով, որ դա կպահանջի «լուրջ մանևրներ»։